Miqueas 1:9 - Wuj Pa K'ubultzij

⁹ Man i soktajnaq che i Samaria lik kutzir taj: O che ronojel i Judá xaq uponnaq k'a pa Jerusalén, are i nim laj tinimit ipa je jeqel wi inwinaq.

Miqueas 1:9 Referans Kwoze

Miqueas 1:12

I jub'an chi je jeqel pa Marot kkib'ak'ek'ej kib' rumal uk'axk'ol, kkaj ike utz ni je olik, man i Ajwal u'anom chi kupon i utz taj pa taq okb'al re i Jerusalén.

JEREMÍAS 15:18

¿B'uchak lik nti uk'isik uk'axk'ol chwe? ¿B'uchak insoktajik lik kkuntaj taj, lik kuna ti kunb'al? Yet chwe yin at keje pacha jun ralaxb'al ya chi kalax ti chal i ya chupam.

ISAÍAS 3:26

I tinimit ko' na xaq kk'iji ni pa b'is, xaq lik ko'tax ni utukel.

JEREMÍAS 46:11

¡Tinimit Egipto, jat k'a pa Galaad chutzukuxik kunb'al! ¡Xwiri tupu lik k'i kunb'al katijo, lik nti kuchakuj uri chawe, lik nti chik kunb'al kmajaw chawe yet!

Miqueas 6:13

Rumali kinya utojb'alil chawe; kinsach awach rumal amak.

NAHUM 3:19

¡Lik nti kunb'al re i soktajnaq chawe; ak'ax lik kkuntaj taj! Konojel ni'pa i kkita atzaqik pa k'ax kkipok'pa pki'ab' chawe rumal kikikotemal, man ¿Tinimit Nínive pachin taq wa xutij ti uyej rumal amak atzalal chi nti uk'isik?

ISAÍAS 36:1

Che i kajlajuj junab' re rajawinik ma Ezequías, i ma Senaquerib ajawinel re Asiria x-e chu'anik ch'oj chkij konojel i nimaq taq tinimit chi o tapial nim uwach chrij chila pa Judá xaq xeuk'amo.

ISAÍAS 36:2

Lik k'a chila pa Laquis xutaq b'i jun nim laj ajpatan, ru' k'iyal taq achiyab' chi je yij che i ch'oj, chrilik i ajawinel ma Ezequías chila pa Jerusalén, xkiya kib' chunaqaj ub'e i ya re i nim laj k'olb'al ya, pa b'e chi k-e pa taq es chi Ch'ajb'al K'ul ub'i.