Miqueas 1:6 - Wuj Pa K'ubultzij

⁶ Rumali kub'ij i Ajwal: “Kin-an ni che i tinimit Samaria jut'ub'aj ja wulijnaq, jun ta'aj nim uwach re tikb'al uva. Keinkichersaj nu b'i chwach taq ta'aj ab'aj re i nim laj tinimit xaq kinya na li ukub'ib'al chisaq.

Miqueas 1:6 Referans Kwoze

Ezequiel 13:14

I kinwulijsaj ni uwach xan le chi yix xitz'aj ru' chun; lik kinwulijsaj k'a chwach ulew, xaq i ukub'ib'al le kkanaj ni kan chisaq. Lik qatzij kwulij na, xaq yix kixkam ni chuxol ch'aqa taq xan le. Te'uri kiwetamaj ni yix chi Yin in Ajwal.

Miqueas 3:12

Xwiri, rumal imak yix, i Jerusalén chi nim laj tinimit re i jyub' Sion, kkanajik pacha tukum ulew xaq pacha t'ub'ulaq taq ja wulijnaq, xaq i ulew re i rachoch i Ajwal knoj ni uwach che uk'iyal taq es.

Lamentaciones 4:1

¡B'uchak nawi chi xsach utzunb'al i an-o'oj! ¡B'uchak xsach uwalch'inik i an-o'oj chi lik paqal rajil! I ab'aj chi lik o u'ij pa lo'laj k'ijib'al re i Dios, lik to' je kichersam b'i xol taq b'e.

2 Reyes 19:25

Ma Senaquerib, ¿Aweta'am ti b'ari chi Yin in Ajwal xin-anaw ronojel ile? Lik chuxe'el inch'ob'om chali ile, wo'or in-anom chik; xwiri yet xachup uwach ronojel i jalajuj taq tinimit chi sutim rij ru' tapial nim uwach, xat'ub'ij li pa taq ulew xa'an pa taq t'ub'aj che.

Mateo 24:2

I Jesús xub'ij chke: —¿Kiwil yix ronojel iri? Qatzij kinb'ij chiwe: Ronojel iri lik kwulijsax na. Mijun ab'aj kkanaj chik puwi i rachi'il —xub'ij chke.

Habacuc 3:13

Yet at elnaq chuto'ik atinimit xaq chuto'ik i ajawinel chi yet xach'ik rij. Xasachsaj uwach uwi i rachoch i utz ti laj winaq, xaq lik xaya kan ukub'ib'al rachoch chisaq.

AMÓS 5:11

Man xaq kiya'ya i nib'a' che aqan xaq lik nim alkawal kitz'onoj chke rumal ki-trigo, rumali kixjeqi ti chupam i ja re ab'aj chi kiyakom, xaq kitu' ti uwa'al uva muqb'am che i uva chi kitikom.

Oseas 13:16

I tinimit Samaria kuk'am nu b'i i utojb'alil umak, man rumal xuqel u-Dios. Kekam ni che uware i ch'ich' chi k'ulala o uware, i ni'pa kak'al kexa'ix ni pulew xaq i ixoqib' je raxwinaq kraqix ni kalanb'al.

JEREMÍAS 51:37

lik kkanaj na pacha jun k'ijib'al wulijnaq, chi lik kik'ijib'al chik tz'i aj pa taq es, lik are jun k'ijib'al chi lik mijun winaq kjeqi chik chwach, konojel kkixij ni kib' che ru' jun nim laj xib'rikil.

JEREMÍAS 51:25

Yin inya'om ti inwach awu', utzam jyub' sachanel, chi kasachsaj uwach ronojel i jyub' ta'aj. Yin in Ajwal, kinb'ij. Kinyak ni in-ab' re uya'ik utojb'alil chawe, katinb'alk'atij na li pa taq siwan ab'aj, lik kin-an ni chawe pacha jun jyub' k'atnaq uwach.

JEREMÍAS 9:11

Kin-an ni che i tinimit Jerusalén pacha jun t'ub'aj ab'aj, pacha kiwarb'al i tz'i aj pa taq es; i tinimit Judá kin-an ni che pacha jun tz'inilik jyub', xaq lik ktali ni kan uwach.

ISAÍAS 25:12

I Ajwal kutzaqsaj ni i nimaq xaq i ko laj taq tapial, kuwulijsaj na xaq kuya ni kan chila pa taq ulew.

ISAÍAS 25:2

Xa'an che i k'iyal taq tinimit chi pacha t'ub'ulaq taq ab'aj, xaq i tinimit chi sutim rij ru' tapial nim uwach x-on che chi pacha wulijnaq taq ja, xawulijsaj i nimaq taq kachoch i ajawinelab' chi je ajch'oj chqij, xaq lik kyaki ti chik.

2 Samuel 17:13

Xaq we kruwaj taq rib' chupam jun tinimit, qonojel yoj oj aj Israel kqak'am nu b'i i laso re kqajukukej li ronojel ni'pa i ab'aj re i tinimit le k'a chuchi' i raqana xaq lik mijun chik ab'aj kriqtaj chila pa tinimit.

ISAÍAS 17:1

Tzijonik chrij i Damasco: I tinimit Damasco ksach ni uwach; lik kkanaj na pacha uk'iyal ja wulijnaq.

JEREMÍAS 31:5

Xaq lik katik tan chik i uva tzam taq jyub' Samaria, i ni'pa i ketikawik, lik kkiqusij ni uwach.

2 Reyes 18:9

Che ukaj junab' rajawinik ma Ezequías, chi are i uwuq junab' rajawinik ma Oseas, chi uk'ojol ma Ela chila pa tinimit Israel, i ma Salmanasar, chi ajawinel re i tinimit Asiria, xusutij rij i nim laj tinimit Samaria xaq xu'an ch'oj chrij.

2 Reyes 18:10

Are ik'awnaq chik oxib' junab', are uri xtiki chuch'akik i tinimit le. Ile xuk'ulmaj che uwaq junab' rajawinik ma Ezequías, chi xaq are i ub'elej junab' rajawinik ma Oseas pa tinimit Israel, are xk'am kan i tinimit Samaria.

AMÓS 6:8

I Ajwal lik usaqim pub'i; i Ajwal Dios chi ronojel ktiki che, kub'ij: “Lik ktitat inpam che i u'anik nim che rib' i tinimit re ma Jacob lik kwaj ti i rachoch chi nimaq taq ja, kinjach ni i tinimit pu'ab' i ajch'oj chrij, junam ru' ni'pa taq o chupam i tinimit.”