Miqueas 1:16 - Wuj Pa K'ubultzij

¹⁶ Xwiri yet, tinimit re Sion, chasolo b'i awi che ajolom k'utb'al re i k'ax, kumal awak'al chi lik k'ax keana'o. Lik chasolo b'i awi che ajolom k'a ku'an ni tz'um paja' pacha re jun k'uch, man i awak'al ke'elsax nu b'i pa cho'ab' chwach kulew.”

Miqueas 1:16 Referans Kwoze

ISAÍAS 22:12

Che taq i ij le i Ajwal chi ronojel ktiki che kixusik'ij yix re kixo'ik, xaq re kitz'uyunej, re ki'an tz'um che ijolom xaq re kikoj i'u' chi lik as, k'utb'al re uk'axk'olil i k'ax.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

Job 1:20

Are uri ma Job xwalijik; rumal jun nim laj b'is xuraqch'ij u'u', xresaj b'i ronojel uwi te'uri xxuki chwach ulew kojb'al u'ij i Dios.

AMÓS 8:10

Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.

JEREMÍAS 16:6

Che nimaq che ch'utiq kekam ni chwach i nim laj tinimit le, lik mijun kemuquwik, mijun ko' ni chke, xaq mijun kuk'utu chi k'ax kuna uk'ux, xaq mijun kusok taq uch'akul rumal ub'is, xaq we kusol b'i uwi.

JEREMÍAS 6:26

¡Umi'al intinimit, chakojo a'u' as k'utb'al re uk'axk'ol, chab'alkatij awib' pa taq chaj, chixb'isonoq xaq lik chixsik'in che o'ej, keje pacha are kkam jun iwak'al chi xa jun olik. Man i jun chi ksachaw qawach, lik ya kk'un chu'anik ch'oj chqij!

ISAÍAS 15:2

I winaq aj pa Dibón ke'el b'i pa o'ej prachoch i Dios chi o tzam jyub'. I je aj Moab kkitz'uyunej ni usachik uwach i tinimit Nebo xaq i Medeba. Konojel ki'anom tz'um che kijolom xaq kesam i kismachi'.

2 Reyes 17:6

Che i b'elejeb' junab' rajawinik ma Oseas, i ajawinel re i tinimit Asiria xuk'am i tinimit Samaria xaq xeuk'am b'i konojel aj Israel prexil chila pa tinimit Asiria. Xeuya chila che i tinimit Halah che i ulew Habor, che i raqana Gozán, xaq o xeuya chila che i tinimit Media.

Deuteronomio 28:41

Keak'uwalij ni ak'ojol xaq ami'al xwiri kek'iji ti awu' man kechap b'i kumal ajch'oj chawij, kek'am b'i che jun chik tinimit.

JEREMÍAS 47:5

I winaq re Gaza kkisol b'i kiwi che kijolom, i winaq re Ascalón kekanaj na chi kel ti chik kich'awb'al. K'isb'al chik winaq chi naj kij re ujer, ¿K'a junpa ka'at ni ach'akul k'utb'al re uk'axk'ol?

AMÓS 7:11

Man to' ktijin taq chub'ixkil: Ma Jeroboam kkam ni ru' ch'ich' chi k'ulala o uware, xaq ronojel i tinimit Israel kelsax nu b'i pa cho'ab' chwach rulew.”

AMÓS 7:17

Xwiri iri are kub'ij i Ajwal: I awixoqil kumin ni rib' ku' achiyab' chkiwach i winaq pa tinimit, i ak'ojol xaq i ami'al kekam ni ru' ch'ich' chi k'ulala o uware; awulew kkijach ni chkiwach ru' sakinik; yet lik katkam ni pkulew i winaq chi kkikoj ti Dios, i winaq aj Israel kechap nu b'ik, kek'am nu b'i naj che i kulew.

JEREMÍAS 4:8

Rumali, chiwiqa iwib' ru' i'u' as, chixo'oq xaq chixjilaw rumal uk'axk'ol, man ik'awnaq ti i nim laj roywal i Ajwal chqe.

Lamentaciones 2:19

Chatwalijoq, chatsik'in cha'ab', lik arewi jo'taj taq uxol chatsik'inoq; lik chawesaj li ronojel ni'pa i o pak'ux chwach i Ajwal, chaya che chi klememik pacha i ya; chatunb'a a'ab' chwach ire, chatz'onoj utzil chomal che xaq chatz'onoj utzil chomal puwi kik'aslemal awak'al, man lik puxukut taq b'e kekam wi rumal nti kkitijo.