Miqueas 1:13 - Wuj Pa K'ubultzij

¹³ Yix, chi ix winaq re i Laquis, chi xi'an qelqel che iwib' pacha i Israel, chi yix xix-anawik chi xmakun i tinimit Sion, cheiwiqa i kaway chke ikareta.

Miqueas 1:13 Referans Kwoze

2 Reyes 18:17

Chrijil chik ile i ajawinel re i tinimit Asiria xutaq b'i jun ajpatan chi atz u'ij, jun aj-ok'al utzam chi kul uk'ux che, xaq jun chik ajpatan chi atz u'ij. Ike le xenab'ej b'i chkiwach jub'an achiyab' chi je yij che i ch'oj, xeik'aw Laquis, xe'e k'a Jerusalén anb'al ch'oj. Are xeupon Jerusalén xe'uxlan chila chuchi' i toma chi kpe chupam i k'olb'al ya chila ajsik, che i b'e chi k-e pa k'ijib'al chi “Ch'ajb'al k'ul” ub'i.

SEGUNDO LIBRO DE CR%D3NICAS 32:9

Chrijil chik ile, i ajawinel Senaquerib chi ke aj Asiria, ktijin chu'anik ch'oj chrij i tinimit Laquis junam ku' uwinaq chi je yij che i ch'oj, xutaq b'i jub'an je rajpatan pa Jerusalén chub'ixkil i tziji che ma Ezequías, chi ajawinel ke aj Judá, xaq chke konojel aj Judá chi je o chila Jerusalén:

JOSUÉ 10:3

Rumali ma Adonisedec xutaq b'i tzij ku' i jalajuj taq ajawinelab' ke i tinimit: Ma Hoham ajawinel re i tinimit Hebrón, ma Piream ajawinel re i tinimit Jarmut, ma Jafia ajawinel re i tinimit Laquis xaq i ma Debir ajawinel re i tinimit Eglón, xub'ij chke:

Apocalipsis 2:20

Xwiri, o ni jun imak kwaj kinb'ij chiwe: Yix iwesam ti utz ti laj ixoq chi o chixol chi ati Jezabel, ire Kub'ij chi ati profeta, xwiri ru' uk'utunik chi utz taj, xa keut'or ni'pa i je teren chwij yin. Rumal ire je o jujun kki'an i ch'am taj ru' kich'akul; xaq kkitijo wach taq i sujtal chkiwach i tiox chi xaril je antalik.

Apocalipsis 2:14

Xwiri, o jujun imak kwaj kinb'ij chiwe: O jujun chiwe yix chi kkaj ti ro'taxik kan uk'utunik i ma Balaam. Ire xutun i ma Balac re ku'an chke aj Israel chi kemakunik, xwi ta la ile xaq xukowij kik'ux chukojik ki'ij i dios chi je saqil taj xaq xkitijo wach taq sujtal chkiwach.

Miqueas 1:5

Ronojel iri rumal uqelanik i tinimit re ma Jacob, rumal umak atzalal re i ajawinik Israel. ¿Ipa o wi uqelanik i ma Jacob? ¡Pa tinimit Samaria! ¿Ipa je o wi i lo'laj taq k'ijib'al ke i tiox chi xaril je antalik re i Judá? ¡Lik chila pa tinimit Jerusalén!

Ezequiel 23:11

Ucha' al Aholiba xril iri, tupu xrilo, xaq ire lik xuya rib' chu'anik ile, mas b'isb'al xu'an ire chwach i ratz, lik x-e uk'ux chu'anik i ch'am taj ru' uch'akul.

JEREMÍAS 4:29

Are kesik'in i winaq chi je ajrij taq kaway xaq i je ajk'aqol ch'ab', konojel i winaq ke'elmajik kkuwaj kib' pa taq es, xaq ke'el b'i puwi i nimaq taq ab'aj, ronojel ni'pa i nimaq taq tinimit lik xetali kanoq, lik nti chik winaq xek'iji kan chila.

JEREMÍAS 3:8

Xaq xrilo chi yin xwesaj i qelqel laj tinimit Israel chinwach, xaq xinjacho rumal i xaqmanal xu'an ru' jun chik. Xwiri i tinimit Judá chi jik ti uk'ux chi ucha' i tinimit Israel, lik xuxij ti rib', xaq xane, xok ire chu'anik i utz taj chi kmajaw taj k-anik.

ISAÍAS 37:8

Are uri i ajpatan aj Asiria xretamaj chi i ajawinel aj Asiria xel chila che i nim laj tinimit Laquis. Are uri xel pa tinimit Jerusalén, xeuriqa i ajawinel aj Asiria ktijin chu'anik ch'oj ku' aj Libna.

ISAÍAS 10:31

I je aj Madmena pa'anem xe'anmajik, i je aj Gebim xkuwaj kib'.

SEGUNDO LIBRO DE CR%D3NICAS 11:9

Adoraim, Laquis, Azeca,

2 Reyes 8:18

Xwiri uk'aslemal lik keje pacha kik'aslemal i ajawinelab' aj Israel xaq pacha kik'aslemal umuq uxikin ma Acab, xaq i rixoqil ire le ralk'uwal ma Acab; rumali chi ronojel ni'pa i xu'ano lik utz taj chwach i Ajwal.

1 Reyes 16:31

man lik xuxij ti rib' chu'anik ronojel ni'pa i mak atzalal pacha xu'an ma Jeroboam, chi uk'ojol ma Nabat. Xwi ta la ile xaq xk'uli ru' ati Jezabel chi umi'al ma Et-baal chi ajawinel pa tinimit Sidón, xaq pa k'isb'al re, x-e chukojik u'ij i tiox Baal.

1 Reyes 14:16

I Ajwal, kero'taj ni aj Israel rumal i mak atzalal chi xu'an ma Jeroboam, xaq rumal xeumin aj Israel chupam i makunik.

JOSUÉ 15:39

Laquis, Boscat, Eglón,

ÉXODO 32:21

Te'uri ma Moisés xuyaj ma Aarón ru' i tziji: —¿Wach taq wa xki'an i winaq le chawe, chi xa'an chke xki'an jun nim laj mak atzalal?

GÉNESIS 19:17

Are je elnaq chik pa tinimit, jun chke i ángel xub'ij che ma Lot: —Chat-anmaj chuto'ik ak'aslemal, mattaqen chawij, xaq to' mattak'i taq pa taq b'e che ronojel i ta'aj le, jat k'a chwi jyub', man ksach ti awach chupam i tojpen chi kpe puwi i tinimiti.

1 Reyes 4:28

Xaq o chkiqul uk'amik li cebada xaq i k'im chi kkitij i kaway, xaq i kkitij i jub'an chik kaway chi je aj-eqan. Kkik'am b'i ile chila ipa o wi i ajawinel are kuriq i ik' chi o chkiqul kki'an i chak chkijujunal.

2 Reyes 14:19

O jub'an achiyab' aj Jerusalén, xkich'ob' ukamsaxik ma Amasías, rumali ire x-e chruwaxik rib' pa tinimit Laquis, xwiri xkiterb'ej b'ik, xkimaja k'a che i nim laj tinimit le xaq chila xkikamsaj wi.

ISAÍAS 36:2

Lik k'a chila pa Laquis xutaq b'i jun nim laj ajpatan, ru' k'iyal taq achiyab' chi je yij che i ch'oj, chrilik i ajawinel ma Ezequías chila pa Jerusalén, xkiya kib' chunaqaj ub'e i ya re i nim laj k'olb'al ya, pa b'e chi k-e pa taq es chi Ch'ajb'al K'ul ub'i.

Job 39:10

¿Kattiki nawi chuk'amik b'e chwach, ru' i yuku rij uqul man kutuk upam ulew xaq kterej nawi chawij chupa'ik ulew?

JEREMÍAS 34:7

Are uri i achiyab' chi je yij che i ch'oj re i ajawinel aj Babilonia ketijin chu'anik ch'oj chrij i tinimit Jerusalén, Laquis xaq i Azeca, xwi i tinimit ile chi sutim kij ru' i tapial nim uwach re i tinimit Judá chi xewulij taj.