Mateo 9:36 - Wuj Pa K'ubultzij

³⁶ Are xeril i winaq lik k'ax xuna puk'ux, man kek'achirik, xaq lik nti jun ketowik; xerilo pacha taq jub'an chij chi nti kok'aw utzam chke.

I ʼUtz Laj Tzij Re I Dios

³⁶ Are xe ril i winak, lic cʼax xu na pu cʼux, man que cʼachiric, lic n-ta jun que towic; xe rilo pacha juban chij, n-ta que ucʼaw u tzam chique.

Ri Utzilaj Tzij re ri Kanimajawal Jesucristo

³⁶ Ec'uchiri' xeril ruq'uiyal winak, lic xejuch' ca'n pa ranima', ma rique pacha' e bexex e sachinak, quiquichom quib y na jinta chi chajinel que.

Ri utzilaj tzij re ri kanimajawal Jesucristo

³⁶ Ek'uchiri' xeril ruk'iyal winaq, lik xejuch' ka'n pa ranima', ma rike pacha' e b'exex e sachinaq, kikichom kib' y na jinta chi chajinel ke.

Mateo 9:36 Referans Kwoze

Marcos 6:34

I Jesús are xel pa barco, xeril uk'iyal winaq chi je o tan chik chila. Are uri xpe jun nim laj k'axnab'al uk'ux chke man je keje pacha jub'an chij chi nti keyu'uwik. Rumali xujeq uya'ik jalajuj taq k'utunik chke.

JEREMÍAS 50:6

Intinimit keje te'eq pacha chij chi je sachnaq, chi utz ti kilik k-ani kumal i ajyu'ul ke, chi xaq xekisach kan pa taq es. Chi to' ke'e chwi jalajuj taq jyub', chi xaq xsach i kik'ijib'al chkik'ux.

Mateo 14:14

Ire, are xel pa barco, xeril tan chik uk'iyal winaq je o chila. Lik xril tob'al kiwach, rumali xerutzirsaj iwab'ib' chi je kok'am b'ik.

ZACARÍAS 10:2

Kitzij i tiox chi xaril je antalik xa kt'oronik, i je ajnanel kkikoj taq ike chi lik saqil i kkilo le. Ni'pa taq i kkilo, kkib'ij chi xa achik' chi ktataj ti ub'e, xaq i kitzij chi kyaw kub'sab'al k'uxij saqil taj. Rumali i tinimit to' ksutinik pacha jutzob'aj chij, xaq kkitij uyej man nti jun kechajiwik.

Mateo 15:32

Are uri i Jesús xeusik'ij i utijoxelab' ru', xaq xub'ij chke: —To' kiwach i winaqi, man are oxib' ij iri chi je o chi wu'; nti chik wach kkitijo. Kwaj ti keintaq b'i chi kachoch we nti wa kkitij b'ik, man moqxa ketzaq pa taq b'e rumal kinumik —xcha chke.

Mateo 15:24

I Jesús xub'ij i tziji: —I Dios in utaqom loq xwi chke i tinimit aj Israel chi pacha chij je sachnaq —xcha.

SEGUNDO LIBRO DE CR%D3NICAS 18:16

Are uri ma Micaías xub'ij: Je wilom konojel aj Israel chi to' je ch'etch'et ki'anom b'i pa taq es, pacha jub'an chij chi nti keyu'uwik. I Ajwal ub'im: “I winaqi nti kajaw; chkijujunal che'oj chi taq kachoch.”

Hebreos 5:2

I ajsujul sipon, lik juntir ktzaq chupam i utz taj, rumali o unimal uk'ux chke i winaq chi kemakunik, chi qas ti keta'am i saq laj tzij i xa je sachnaq.

Hebreos 4:15

Are Ire, are jun atz laj rajpatan i Dios chi kril tob'al qawach, man reta'am xa oj winaq chi nti qas qacho'ab'. Xaq Ire ktzaqsax te'eq chupam i mak atzalal, pacha taq i tzaqsab'al chi kojik'aw wi yoj, xwiri, Ire nti jun umak xu'ano.

Mateo 10:6

Xwi ku' i aj Israel winaq kix-e wi; man ike je pacha jub'an chij chi je sachnaq.

1 Reyes 22:17

Are uri ma Micaías xub'ij: Je wilom konojel aj Israel chi to' kikichersam b'i kib' pa taq es, pacha jub'an chij chi nti keyu'uwik. I Ajwal ub'im: I winaqi nti kajaw, chkijujunal chetzalij b'i chi taq kachoch ru' jun utz laj olem.

ZACARÍAS 11:16

Man kinya jun ajyu'ul chij puwi i tinimiti chi lik nti kuch'ob' chkilik i chij chi je o pa k'ax, mitene kutzukuj i jun chi sachnaq, mitene kukunaj i jun chi soktajnaq, mitene kutzuq i jun chi nti ucho'ab', xa are i ku'ano xa keutij i chij chi lik je ti'ojab', lik mitene i kixk'aq kuya kanoq.

ISAÍAS 13:14

Are uri i winaq, lik pacha taq je ral taq chab'at je oqtam, xaq pacha je chij chi nti keyu'uwik, chkijujunal ketzalij chik pkitinimit, we ntaj ke'anmajik i ketzalij chub'i pkitinimit.

Marcos 8:2

—To' kiwach i winaq le, man are oxib' ij iri chi je o chi wu' xaq nti chik kiwa re kkitijo.