Mateo 5:30 - Wuj Pa K'ubultzij

³⁰ We xaq are a'ab' wiqab'im k-anaw chawe katmakunik, chak'atzij xaq chak'aqa b'i k'a naj. Utz ke'eloq we xa are a'ab' kasacho, chwach we ronojel ach'akul k-e pa a' ronojel ij saq.

I ʼUtz Laj Tzij Re I Dios

³⁰ We xak are a ʼab wikabim ca ʼanaw chawe cat macunic, cha cʼatzij y cha cʼaka bic. ʼUtz queʼelok we xa are a ʼab ca sacho, chuwach i ronojel a chʼacul ca ʼe pa ʼaʼ.

Ri Utzilaj Tzij re ri Kanimajawal Jesucristo

³⁰ We e rak'ab uwiquik'ab ri catzakisan awe pa ri mac, chak'ata' y chac'aka bi; ma xa ne cuya ri' e cajam jun che rak'ab, chwa ri catc'ak bi ruc' ronoje racuerpo chi xibalba' re tijbal c'ax.

Ri utzilaj tzij re ri kanimajawal Jesucristo

³⁰ We e raq'ab' uwikiq'ab' ri katzaqisan awe pa ri mak, chaq'ata' y chak'aqa b'i; ma xa ne kuya ri' e kajam jun che raq'ab', chwa ri katk'aq b'i ruk' ronoje racuerpo chi xib'alb'a' re tijb'al k'ax.

Mateo 5:30 Referans Kwoze

Marcos 9:43

We are a'ab' k-anaw chawe chi kattzaq chupam amak, su' chawesaj b'ik. Man utz ke'el chawe we xa jun chik a'ab' olik are katok che i k'aslemal saqil, chwach we keb' a'ab' chi xa kat-e pa a' chi ktoqowik ronojel ij saq.

Mateo 5:29

Rumali, kinb'ij i tziji chiwe: We xa rumal i kawilo katmakunik, lik utz chawesaj ab'a'wach i chak'aqa b'i k'a naj. Mas utz ke'eloq we xa are ab'a'wach kasacho, chwach we ronojel ach'akul k-e pa a' ronojel ij saq.

1 Pédro 2:8

Xaq xub'ij: “I ab'aj le, je o ni winaq kkitakij kaqan che; xaq ketzaq na.” Ike kkitakij ni kaqan man kekojon ti che i lo'laj tzij, ile lik are kmajaw chke.

1 Corintios 8:13

Rumali, yin, we o jun qachalal chwach i Cristo, ktzaq chupam umak xa rumal wach i kintijo, kinmayij uri utijawik i ti' rumal ire.

Lucas 17:2

Mas utz ke'el che, wetene kxim jun ka' rij uqul i kk'aq b'i pa ya ji'sab'al re, chwach we kutzaqsaj jun chke i ch'utiqi chupam umak.

Mateo 13:21

Xwiri, je pacha jun tikon chi naj taj enaq wi i ra'; kenajtin taj. Are kpe i k'ax pkiwi rumal i utz laj tzij chi kikojom, xaq kpe i kiyo'yaxik kumal i winaq, xa ksach ukub'ib'al kik'ux rumali kko'taj kan utz laj tzij.

Lucas 12:5

Yin kinb'ij ni uri chiwe pachin che chixija wi iwib': Chixija iwib' uri che i Dios; man Ire we xixkamsaxik o pu'ab' kixuya pa a' chi ktoqowik ronojel ij saq.

Gálatas 5:11

Ix, wachalal chwach i Cristo, i tzij chi kintijin yin chupaxsaxik are iri: Chi xa rumal ukamik i Cristo chwach i krus o i qelb'al chisaq. Kinb'ij ti chik we o uchak k-an i circuncisión; wetene k'a kinb'ij ile, keje tene kki'an ch'oj i aj Judío chwij.

Romanos 9:33

Keje iri tz'ib'tal chupam uwuj i Dios: Kintaq b'i jun pa tinimit Sion chi ke'el chke i winaq pacha jun ab'aj pa kkitakij wi i kaqan, jun ab'aj chi ketzaq ni rumal. Xwiri, pachin kukub'a uk'ux che kril ni uri chi saqil wach i xroy-ej che.

Mateo 26:31

I Jesús xub'ij chke: —Wo'or cha'ab', iwonojel yix kiwo'taj ni ukub'ib'al ik'ux chwe. Weta'am keje ile ke'eloq, man keje iri kub'ij uwuj i Dios chi tz'ib'tal kanoq: “Kkamsax ni ajyu'ul chij”; “te'uri i chij kekicher nu b'ik.” Keje ile tz'ib'tal kanoq.

Mateo 22:13

Te'uri i ajawinel xeusik'ij i umokom, xub'ij chke: —“Chixima i u'ab' i raqan, xaq chiwesaj b'i rija pa equm. Chila ko' na, xaq kuqach'ach'ej ni uware rumal ub'is”; xub'ij chke.

Mateo 25:20

Nab'e xupon i jun chi uya'om kan lajujwinaq kab'lajujmo' (5,000) che. Ire xujach i lajujwinaq kab'lajujmo' (5,000) chi yatal kan che, xaq xujach i lajujwinaq kab'lajujmo' (5,000) chi uch'akom chik chrij. Xub'ij: “Nim laj winaq, lajujwinaq kab'lajujmo' (5,000) xaya kan chwe, xaq lajujwinaq kab'lajujmo' (5,000) chik xinch'ak chrij.” Xub'ij che.

Mateo 16:23

Are uri i Jesús xupiskilij rib'; xub'ij che i ma Pedro: —¡Chat-el ni chinwach, Satanás, ma'an latz' pinb'e! Anojb'al yet keje taj pacha uch'ob'onik i Dios. Ach'ob'onik yet xa keje pacha kkich'ob' i to' winaq —xcha i Jesús che.

Mateo 11:6

Chib'ij che “chi utz re i jun chi kusach ti ukub'ib'al uk'ux chwe”; keje ile xub'ij i Jesús chke utijoxelab' ma Wan.

Mateo 5:22

Xwiri, Yin kinb'ij ni usuk' chiwe: Pachin jun xa kpe roywal che jun rachalal, xaq ire k-at ni tzij uri puwi. Xaq pachin jun kuyo'ya i rachalal, kya' ni ire chkiwach i nimaq taq jutz'ob'aj unimaqil chi kki'at tzij pkitinimit aj Judío. Xaq we o jun kub'ij utz ti laj tzij che i rachalal, chu'ana kwent uri rib', man ile kmajaw che k-e pa a' rumal.

Mateo 17:27

Xwiri, kqaj ti kqapetsaj koywal; rumali jat chi ya, jak'aqa axok ch'ich' pa ya. Chawesaj li nab'e kar chi kchaptaj rumal i xok ch'ich', kariq ni jun saqpwaq puchi'. Ile tojb'al re alkawal we Yin xaq awe yet. Chak'ama b'ik i chatojo kanoq —xub'ij i Jesús che.

Mateo 18:8

We are a'ab', we are awaqan k-anaw chawe katmakunik, su' chak'upij b'ik xaq chak'aqa b'i naj. Man keje ile kariqb'ej re ak'aslemal, tupu xa jun a'ab', xaq xa jun awaqan. Chwach we keb' a'ab', keb' awaqan we xa kat-e pa a' chi ktoqow ronojel ij saq.