Mateo 4:23 - Wuj Pa K'ubultzij

²³ Te'uri i Jesús xujeq kisolixik konojel i tinimit re jyub' Galilea. Xok ru' taq ja re kimolb'al ib' ke i judío, xaq xeunawsaj i winaq chi kimolom kib' chila, xub'ij i ajawinik re i Dios, xaq xerutzirsaj iwab'ib' che i k'ax chi o chke lik nti k-ono xab'i chi k'axil.

I ʼUtz Laj Tzij Re I Dios

²³ Teʼuri i Jesus xu jek qui solixic ronojel tak i tinimit pa jyub re i Galiléa. Xoc ruʼ tak ja re qui molbalʼib, y xe u nawsaj i winak chi que moltaj chila. Xu paxsaj i ʼutz laj tzij re u ʼatbal tzij i Dios, xak xe rutzirsaj iwabib, bi chi cʼaxil ʼo chique.

Ri Utzilaj Tzij re ri Kanimajawal Jesucristo

²³ Ri Jesús xic'ow che ronoje tinamit re Galilea. Cac'utun pa tak sinagogas chujujunal tinamit, cutzijoj ri Utzilaj Tzij re rutakanic ri Dios y cucunaj ronoje uwach yabil c'o chique ri winak.

Ri utzilaj tzij re ri kanimajawal Jesucristo

²³ Ri Jesús xik'ow che ronoje tinamit re Galilea. Kak'utun pa taq sinagogas chujujunal tinamit, kutzijoj ri Utzilaj Tzij re rutaqanik ri Dios y kukunaj ronoje uwach yab'il k'o chike ri winaq.

Mateo 4:23 Referans Kwoze

Mateo 9:35

I Jesús xeusolij ronojel taq i tinimit, ronojel taq i komon. Is xok pa taq ja re molb'al ib' ke i judío, keutijojb'ej ke i winaq chila; x-e chupaxsaxik i utz laj tzij k'ak' chke i winaq, xub'ij chi petnaq chik i ajawinik re i Dios waral. Xaq xerutzirsaj, b'i chi k'ax, b'i chi yob'ilal o chke.

Marcos 1:39

Are uri i Jesús x-e che ronojel i ulew Galilea, chub'ixkil utzij i Dios chke i winaq pa ja re molb'al ib' ke i Judío chke i jalajuj taq tinimit xaq xeresaj itzel taq tew chke i winaq.

Hechos 10:38

Iweta'am chi i Dios lik xuqajsaj i Lo'laj Utewal puwi uk'ojol chi are i Jesús aj Nazaret, xaq i Jesús le xb'in pa taq tinimit chu'anik i utz, xaq chkutzirsaxik ni'pa i je o pa k'ax rumal ucho'ab' i Itzel. Xtiki chu'anik ronojel ile, man i Dios lik o ru',

Lucas 7:22

Rumali i Jesús xub'ij chke i utaqon i ma Wan: —Jix ru' i ma Wan xaq chib'ij che wach taq iwilom xaq wach taq itom chi kintijin yin chu'anik. Chib'ij che chi i mawach ketzunik; xaq i je sik, keb'inik; xaq i iwab'ib' chi o itzel k'ax “lepra” chke keutzir na; xaq i je tak ketanik; xaq i kamnaq kewalij na; xaq i nib'a'ib' kb'ix ni utz laj tzij k'ak' re i kelb'al pa k'ax chke.

Mateo 11:5

Chilapa che chi i mawach ketzun chik; xaq i je sik keb'inik; xaq i iwab'ib' chi o itzel ch'ak che kitz'umalil; xaq i je tak ketanik; xaq i kamnaq kewalijik; xaq i nib'a'ib' kitom i utz laj tzij k'ak' re i Dios re kelb'al pa k'ax.”

Mateo 13:54

Are xupon chila prulew xok chuk'utik chke i aj Judío pa ja re molb'al ib' ke ike. Ike, are xkita, lik xkib'isoj. Xkib'ij: —¿Ipa xeunawsaj wi rib' i achi le, chi lik o unojb'al? ¿Wach utikilem che i nim laj il le?

Marcos 1:21

I Jesús xaq konojel ni'pa je enaq ru', xeupon pa tinimit Capernaum, are je o chik chila, xe'ok pa ja re molb'al ib' ke i Judío che jun ij sábado; are uri xujeq uk'utik utzij i Dios chila.

Salmos 103:3

Are Ire kukuy ronojel ni'pa inmak, xaq kukunaj ronojel ni'pa inyob'il.

Romanos 10:15

¿Wach u'enam uri jun chub'ixkil utzij i Jesucristo, we i Ajwal keutaq tu b'ik? Xwiri, chupam uwuj i Dios keje iri kub'ij: “¡Lik chom ktzun kuponik i je k'amawnaq li utz laj tzij k'ak'!”

Lucas 8:1

X-on chik panoq, i Jesús ktijin chkisolixik i tinimit xaq i komon chub'ixkil utzij i Dios i chupaxsaxik i utz laj tzij k'ak' re i ajawinik re i Dios, chke i aj pa taq tinimit le, junam ku' kab'lajuj apostolab'.

Marcos 6:2

Are xuriq i ij sábado, i Jesús xok pa ja re i molb'al ib' xaq xok chuk'utik utzij i Dios chke i winaq chi je o chila. I uk'iyal winaq le are xkita wach kub'ij i Jesús, lik xkib'isoj xaq xkib'ij i tziji: —¿Ipa xutijoj wi rib' i achi le che i jalajuj taq k'utunik chi ku'ano? ¿Pachin taq xyaw i nojb'al le che? Xaq ¿Wach taq usuk' chi ku'an i nimaq taq il le?

Mateo 24:14

Xaq i utz laj tziji re i ajawinik re i Dios kpaxsax na, chwach ronojel uwach i jyub' ta'aj, man kketamaj ni konojel i tinimit; te'uri kpe i k'isb'al re uwach i jyub' ta'aj.

Mateo 12:9

Te'uri i Jesús xel pa tikon, x-e pa ja re molb'al ib' ke i judío.

Juan 18:20

I Jesús xub'ij che: —Yin xinlapan chkiwach konojel i winaq; arewi xin-an i k'utuniki chke pa taq ja re molb'al ib' ke aj judío xaq prachoch i Dios chila ipa kkimol wi kib' konojel aj Judío; lik nti jun k'utunik in-anom ani'al.

Lucas 13:10

Xuk'ulmaj julaj chi Jesús ktijin chuk'utik chke i winaq pa ja re molb'al ib' ke i Judío che jun ij sábado.

Lucas 9:11

Xwiri are xkita uk'iyal winaq xaq xeterej b'i chkij. Ire xeuk'ulaj ru' xaq xok chub'ixkil i ajawinik re i Dios chke, xaq xerutzirsaj ni'pa i iwab'ib'.

Lucas 5:17

Xuk'ulmaj jun ij are chi Jesús ktijin chuk'utik chke i winaq. Xaq chila je kul jub'an aj fariseo, xaq jub'an ajtijonelab' re i ujer atb'al tzij. Ike je petnaq pa taq ronojel komon re i ulew Galilea, xaq i re i ulew Judea, xaq o jujun je petnaq k'a pa tinimit Jerusalén. I ucho'ab' i Dios lik o ru' i Jesús man lik kerutzirsaj iwab'ib'.

Marcos 6:6

Rumali i Jesús lik xub'isoj man i winaq chila xekojon ti che. Rumali x-e pa taq komon naqaj chuk'utik utzij i Dios chke i winaq.

Marcos 3:10

man je k'i iwab'ib' xerutzirsaj, rumali lik laj konojel iwab'ib' kki'an pen chi kkimin kib' ru' i Jesús, man kkaj kkichap pan jub'i'.

Marcos 1:14

Chrijil chik utz'apixik ma Wan prexil, are uri i Jesús x-e pa Galilea chub'ixkil i utz laj tzij k'ak' re i Dios.

Salmos 74:8

Lik xkich'ob' uchupik qawach; ¡Xkik'at ronojel i jalajuj taq k'ijib'al pa tinimit ipa kqamol wi te'eq qib' chukojik a'ij!

Hechos 20:25

Wo'or lik saq laj tzij kinb'ij chi mijun chiwe yix chi ink'utum usuk' i ajawinik re i Dios che, kril chik inwach.

Hechos 18:4

Pa taq sábado, i ma Pablo k-e pa ja re molb'al ib' ke i judío, chila xub'ij utzij i Dios chke aj Judío xaq chke i ne te aj Judío, lik xuyu'uj kixikin.

Juan 6:59

I Jesús xu'an i k'utuniki pa ja re molb'al ib' ke i aj judío chila pa tinimit Capernaum.

Lucas 10:9

cheikunaj iwab'ib' chi je o chila; chib'ij chke i winaq: “I ajawinik re i Dios lik naqaj chik o wi chiwe”; chixchoq chke.

Lucas 6:17

Te'uri i Jesús xeqaj li tzam jyub' ku' utijoxelab', xaq xek'iji che jun uwa ta'aj. Je k'i i tijoxelab' xemoltaj ku', xaq je k'i i winaq xek'un ku', chi je ronojel i ulew Judea, xaq xek'un i je aj pa tinimit Jerusalén, xaq xek'un i je aj pa tinimit, Tiro xaq i Sidón,

Mateo 14:14

Ire, are xel pa barco, xeril tan chik uk'iyal winaq je o chila. Lik xril tob'al kiwach, rumali xerutzirsaj iwab'ib' chi je kok'am b'ik.

Mateo 13:19

Ni'pa i winaq chi kkita i tzij re ajawinik re i Dios, we kkita ti ub'e, ke'eloq pacha xu'an ija chi xtzaq pa b'e. Keje i winaq ile, man kk'un itzel i kresaj i utz laj tzij chi o pkik'ux.

Mateo 3:2

¡Chijalwachij i nojb'al chwach i Dios; man i ajawinik re i Dios aj Chikaj lik ya kk'unik! Xcha.

Juan 7:1

Chrijil chik ile i Jesús xb'in che ronojel i ulew Galilea; xraj ti olem pa Judea man aj Judío kkaj ukamsaxik.

Lucas 20:1

X-on panoq, i Jesús o prachoch i Dios, ktijin chuk'utik chke i winaq, xaq ktijin chub'ixkil chke wach i kelb'al chupam i kimak. Are uri xeupon i kaj-atzil i rajpatan i Dios, junam ku' i je tijonel re i ujer atb'al tzij xaq i nimaq taq winaq.

Lucas 4:14

Te'uri i Jesús xtzalij pa Galilea, lik o Lo'laj Utewal i Dios ru'. Ronojel wach i xu'ano, lik xel utzijol che ronojel taq jyub' ta'aj chrij chwach.

Lucas 6:6

Xuriq chik jun ij sábado, i Jesús xok pa ja re molb'al ib' ke aj judío xaq xok chik chuk'utik chke i winaq. Chila o jun achi sikirnaq u'ab' wiqab'im.

Lucas 7:21

Che i ij le are xeupon i utaqon i ma Wan i Jesús xeukunaj k'iyal iwab'ib'. Ni'pa i k'ax o chke, ni'pa i yob'il o chke, xaq ni'pa itzel tew lik xresaj ni chke. Xaq lik k'i i mawach xeutzunsaj.

Lucas 9:60

I Jesús xub'ij che: —Su' wo'or chatterej chwij. Ni'pa i je kamnaq, chaya chke chi kkimuq ni kikamnaq. Xwiri yet japaxsaj utzijol i ajawinik re i Dios —xub'ij che.

Lucas 16:16

I ujer atb'al tzij xaq i profeta ujer, ni'pa ile o pkiwi i winaq lik k'a xk'un ni ma Wan chi Ajqajsanel Ya. Te'uri xpe i utz laj tzij k'ak' re ujeqb'al i ajawinik re i Dios; are iri are i ktijin upaxsaxik wo'or. Xaq konojel i winaq is kki'an pen ke'ok che i ajawinik re i Dios le.

Hechos 28:31

Lik xutzijoj i ajawinik re i Dios lik nti xuxij rib' che xaq xu'aljinsaj upatan i Ajwal Jesucristo, lik mijun x-atiw chub'ixkil ile.