Mateo 28:18 - Wuj Pa K'ubultzij

¹⁸ I Jesús xtejeb' pan ku' xaq xub'ij chke: —Yatal chik pin-ab' u'atik tzij puwi ronojel ni'pa i olik. O chik pin-ab' ronojel i aj chikaj, xaq ronojel i aj chwach i jyub' ta'aj.

I ʼUtz Laj Tzij Re I Dios

¹⁸ I Jesus xtejeb pan cuʼ y xu bij: —Yatal chic pinʼab u ʼatic tzij puwi ronojel niʼpa i ʼolic. ʼO chic pinʼab ronojel i aj chicaj, xak ronojel i aj chuwach i jyub taʼaj.

Ri Utzilaj Tzij re ri Kanimajawal Jesucristo

¹⁸ Ec'uchiri', xkib ri Jesús cuc' y xubi'ij chique: —Ri'in ya'tal lo panuk'ab ronoje ri takanic chila' chicaj y che ruwachulew.

Ri utzilaj tzij re ri kanimajawal Jesucristo

¹⁸ Ek'uchiri', xqib' ri Jesús kuk' y xub'i'ij chike: —Ri'in ya'tal lo panuq'ab' ronoje ri taqanik chila' chikaj y che ruwachulew.

Mateo 28:18 Referans Kwoze

Juan 3:35

I Ta chikaj lik k'ax kuna Uk'ojol, xaq xuya pu'ab' ronojel ni'pa i olik.

1 Pédro 3:22

Ire xel b'i chikaj; o puwiqab'im i Dios. O pkiwi ni'pa i ángel, ni'pa i tewal chi je o chikaj, xaq konojel ni'pa i o kicho'ab' chi k-iltaj ti kiwach; is je o pu'ab'.

Mateo 11:27

Te'uri xub'ij chke i winaq: “Ronojel ni'pa i olik, Inqajaw uya'om pin-ab'. Mijun reta'am uwach Uk'ojol i Dios, xwi i Ta chikaj reta'am. Xaq mijun reta'am uwach i Dios, xwi Yin, chi in Uk'ojol weta'am uwach; xaq chke ni'pa i jub'an chi yin kwaj u'aljinsaxik chke, re kketamaj ni uwach.

Hebreos 2:8

Ronojel wach i olik, aya'om pu'ab'. Chi kqata wi chi ronojel ni'pa i olik, i Dios uya'om pu'ab' i Jesús; nti antalik we yatal ti pu'ab'. Qatzij, k'amaja ni k-iltajik chi ku'at tzij puwi ronojel wach i olik,

1 Corintios 15:27

Man i Dios, is ronojel uya'om ni pu'ab' i Cristo; keje ile tz'ib'tal kan chupam i wuj re i Dios; xwiri are kub'ij chi is ronojel uya'om pu'ab', ile ke'el taj chi xaq o i Dios pu'ab' i Cristo, man are i Dios are yawnaq ronojel che i Cristo.

Juan 17:2

Yet aya'om i atb'al tzij pu'ab' Ak'ojol pkiwi konojel i winaq, yab'al kik'aslemal chi nti uk'isik, chke konojel ni'pa i xeaya che.

Juan 13:3

I Jesús reta'am chi yatal ronojel ni'pa i nimaq taq cho'ab' pu'ab' rumal uqajaw, xaq reta'am chi ru' i Dios petnaq wi xaq ru' Ire k-e wi chik.

Hebreos 1:2

Xwiri wo'or, che i k'isb'al taq iji, i Dios xuya retamaxik utziji chqe pub'i Uk'ojol xu'an i ulew, i ij, i ik', xaq i ch'umil. Xaq ub'im kan i Dios chi ronojel, kuya pu'ab' Uk'ojol wach taq i olik.

Colosenses 2:10

xaq yix o re i Dios chiwe man ix o che i Cristo. Are ire chi o pkiwi konojel i je o tewal chi nim kicho'ab', xaq i nimaq kipatan.

Lucas 10:22

Te'uri xub'ij chke i winaq: Inqajaw uya'om pin-ab' yin ronojel ni'pa i olik. Lik mijun reta'am pachin i Uk'ojol i Dios, xwi i Ta chikaj. Xaq lik mijun reta'am pachin i Ta; xwi yin chi in Uk'ojol weta'am ni'pa i winaq chi kin-aljinsaj i Dios chke keta'am.

Apocalipsis 19:16

I jun le chi xwilo, o ub'i tz'ib'tal chwach u'u', xaq chwach uwi ra'; i ub'i are iri: “I Nim Laj Ajawinel pkiwi konojel i je ajawinelab', xaq Ajwal pkiwi ni'pa i ajwalxelab'.” Keje ile tz'ib'tal che.

Romanos 14:9

Man i Cristo xkamik, xaq xwalij chkixol i kamnaq, man ke'eloq chi are Ire Ajwal pkiwi i je k'aslik xaq pkiwi i je kamnaq.

Apocalipsis 17:14

Ike kki'an ni ch'oj chrij i jun chi Ral Chij kb'ix che. Xwiri ire, junam ku' i je teren chrij, ketiki ni chke, man ire are i nim laj Ajawinel pkiwi konojel i ajawinelab', ni'pa i je teren chrij ire je chatalik xaq je sik'tal rumal i Dios; ike kko'taj taj.

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Mateo 26:64

I Jesús xub'ij: —Qatzij i xab'ij. Xaq kiniwil ni Yin, chi Xinalaxoq chwach Ulew pacha Winaq, inkul ni puwiqab'im i Dios chi Ronojel Ktiki Che; xaq kiniwil na kink'un chali pa sutz' chikaj —xcha chke.

Salmos 89:27

Yin kinya ni ub'itaq re che pacha kya' che i nab'e alk'uwal, xaq kinya ni pkiwi i ajawinelab' chwach i jyub' ta'aj.

Hechos 2:36

Lik chiwetamaj iwonojel yix ix aj Israel chi i Jesús, chi xirip yix xaq xitz'aw chwach i krus, i Dios xu'an che chi are ire Ajwal xaq i Cristo. Xcha.

Hechos 10:36

I Dios xch'aw ku' kimuq kixikin aj Israel, xutzijoj ub'ixkil i tzij re chomb'al k'uxij chke rumal i Jesucristo, chi are Ajwal qe qonojel.

Salmos 89:19

Xuk'ulmaj jela kanoq xatch'aw pkiwach i je awajpatan chi lik jikil kik'ux, xab'ij chke: In-ulum jun chi lik ko uwach chkixol intinimit, lik inyakom u'ij xaq lik intom.

Mateo 16:28

Saq laj tzij kinb'ij chiwe, je o jujun waral chi kekam ti tan, k'a kinkil na are kolin-ana ni in-atb'al tzij waral —xub'ij i Jesús chke.

Proverbios 8:15

Wumal yin kerajawin i ajawinelab' xaq wumal yin kki'at tzij i je atol tzij.

Juan 3:31

I Jun chi kpe chikaj are Ire o puwi ronojel, i jun we aj chwach ulew are i b'iroxik chi to' aj chwach ulew kulapo. Xwiri i Jun chi kpe chikaj lik o puwi ronojel,