Mateo 21:5 - Wuj Pa K'ubultzij

⁵ Chab'ij iri chke i aj tinimit Sion: “I wajawinel yix ya kk'un iwu'. Ire u'anom ti nim che rib', xa kul chrij jun b'uru kk'unik; kk'unik kul chrij jun ral b'uru, rak'al jun ati axna aj-eqan”. Keje ile utz'ib'am kan i profeta.

I ʼUtz Laj Tzij Re I Dios

⁵ Cha bij iri chique i aj tinimit Sion: “I ʼatol tzij yix ya ca cʼun iwuʼ. Ire nu ʼanom ta nim che rib, xa cul chirij jun buru ca cʼunic; ca cʼunic cul chirij jun ral buru, racʼal jun ati asna aj ekan.” (Queje ile u tzʼibam can i ajbil u tzij i Dios ujer.)

Ri Utzilaj Tzij re ri Kanimajawal Jesucristo

⁵ Chibi'ij chique ri e aj Sion: “Chiwilape', ri Rey iwe'ix cac'un iwuc', u'anom lo ch'uti'n che rib; ucojom lo jun buru, wa' jun k'apoj buru, ral jun awaj aj eka'n” Zac. 9:9 xcha'.

Ri utzilaj tzij re ri kanimajawal Jesucristo

⁵ Chib'i'ij chike ri e aj Sion: “Chiwilape', ri Rey iwe'ix kak'un iwuk', u'anom lo ch'uti'n che rib'; ukojom lo jun buru, wa' jun q'apoj buru, ral jun awaj aj eqa'n” Zac. 9:9 xcha'.

Mateo 21:5 Referans Kwoze

ISAÍAS 62:11

I Ajwal kusaqij iri chi kupon k'a xe taq kaj ulew: “Chib'ij che i tinimit Sion chi ya xupon i tol re. I Ajwal kuk'am li utinimit chrijil chik kelsaxik loq pa k'ax.”

ISAÍAS 12:6

Chixsik'in rumal kikotemal, winaq aj Sion, man i Lo'laj Dios re Israel o chixol yix ru' ronojel unimal uk'ux.”

GÉNESIS 49:10

Mijun kelsaw ucho'ab' ma Judá xaq i ch'amiy chi o pu'ab' k'a kk'un ni rajaw i ch'amiy, chi konojel i tinimit kekojon ni che.

Oseas 1:7

Xwiri, kwil ni tob'al uwach i rajawinik i tinimit Judá: Lik Yin in Ajwal, ki-Dios, keinto na. Xwiri Yin keinto ti pa ch'oj, Yin keinto ru' ti k'aqb'al ch'ab', ru' ti ch'ich' chi k'ulala o uware, ku' ti kaway, xaq mitene ku' achiyab' chi je ajrij taq kaway.”

ISAÍAS 40:9

Tinimit Sion, chatel b'i puwi jun nim laj jyub', lik ru' ronojel acho'ab' ko chatsik'in chutzijoxik i utz laj tzij. Lik maxij awib' ko chatsik'inoq, tinimit Jerusalén, xaq chatzijoj pa taq tinimit Judá: “¡Riy i-Dios yix oliki!”

Ezequiel 37:24

Wajpatan ma David xwi ire ajawinel xaq xwi ire ajyu'ul chij ke konojel ike, xaq ike kinkikoj na, kki'an na pacha kub'ij in-atb'al tzij xaq intaqanik.

Ezequiel 34:24

Yin in Ajwal, in ki-Dios na, i ma David, chi wajpatan, are ni ire kaj-atzil. Yin in Ajwal, xinb'ij.

Mateo 11:29

Chiya iwib' che inyuku chi kinkoj chiwe; chixnaw ni wu' Yin, man Yin nim ink'ux, xaq utz ink'ux chiwe. Keje ile kiriq ni uri uxlanb'al ik'ux.

Mateo 2:6

Yet tinimit Belén, at ukwenta i jyub' Judá, mach'ob'o moq nti a'ij chkixol i nimaq taq tinimit re ulew le; lik o ni a'ij, man chkixol awak'al kalax ni jun nim laj ajk'amb'eyal; are ire kok'aw ni utzam chke inwinaq, aj Israel.

Mateo 2:2

Are xeupon pa Jerusalén, xkitz'onoj chke i winaq: —¿Ipa o wi i nim laj ajawinel ke i aj Israel winaq chi xalaxik? Ya xqil uch'umil are oj o chila prelb'al ij, rumali xojk'un chukojik u'ij —xkib'ij.

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

2 Corintios 10:1

Yin, chi in ma Pablo, o jun utzil kintz'onoj chiwe ru' i nim laj k'axnab'al uk'ux i Cristo. Tupu kib'ij chwe chi are in o chixol lik xa in ajk'ix xwiri are in o naj lik o inkowil.

Salmos 9:14

Man keje ile, chila xol taq uchija re i tinimit Jerusalén, kinb'ij ni chke konojel i winaq re uwach i jyub' ta'aj, chi yet lik kmajaw chawe koksax a'ij ru' b'ix, xaq yin lik kinkikotik man xinato.

1 Reyes 10:26

Ma Salomón xumol uchi' ronojel i ch'ich' re anb'al ch'oj xaq konojel i winaq ajrij taq kaway. Lajujwinaq oxmo' (1,400) ch'ich' re anb'al ch'oj o ru', xaq lajujmo' juchiy (12,000) winaq ajrij taq kaway. Te'uri xeuk'am b'i chila ipa o wi kik'ijib'al ch'ich' re anb'al ch'oj, xaq ku' ajchajal re i ajawinel chila pa Jerusalén.

1 Reyes 1:33

Are uri i ajawinel le xub'ij chke: —Chiwachi'ilaj b'i iwib' ku' i wajchak chi keok'aw utzam, chi'ansaj b'i ink'ojol ma Salomón chrij in-mula, chik'ama b'i pa Gihón.

2 Samuel 16:2

Are uri i ajawinel xutz'onoj che ma Siba: —¿B'uchak ak'amom li ronojel ile? I ma Siba xub'ij che: —I axna chi ink'amom loq re k-anb'al i ralk'uwal i ajawinel; i wa re trigo xaq i echa' kkitij ni achiyab' chi je yij che i ch'oj, i uwa'al uva muqb'am kkitu' ni konojel ni'pa kekos che i b'e pa tz'inilik jyub' chaqij.

Jueces 12:14

wajxaqib' junab'. I ma Abdón le xek'iji kawinaq (40) uk'ojol xaq je lajuj juwinaq (30) ri umam, konojel ike le lik ke'an chrij axna.

Jueces 5:10

Chib'ixaj iwonojel yix chi kix-an chkij atitab' taq axna chi saq purpuj kij; chib'ixaj yix chi kixkub'i chwach i pacha taq pop; xaq iwonojel yix, chi ix ajb'inel.

Deuteronomio 17:16

Xwiri i ajawinel le kutzukuj ti k'i ukaway, xaq keutaq tu b'i i winaq pa Egipto re k-on taq k'i kikaway, man i Ajwal ub'im chik chiwe chi lik kixtzalij ti chik che i b'e le.

NÚMEROS 24:19

Chuxol utinimit ma Jacob kel wi jun achi, chi lik arewi kch'akanik xaq kusach ni kiwach konojel ni'pa k'a kekanaj kan pa tinimit.

Juan 1:49

I ma Natanael xub'ij che: —Tijonel ¡Lik qatzij yet at Uk'ojol i Dios! Yet at Ajawinel pa tinimit Israel.

Mateo 21:6

I utijoxelab' i Jesús xe'ek xaq xki'an na, pacha i b'ital chke.

Lucas 24:27

Te'uri xujeq usaqixik chke ronojel ni'pa i tz'ib'tal ujer chupam uwuj i Dios chrij ire; xujeq li ulapik chrij wach utz'ib'am kan i mam Moisés, te'uri, chrij ronojel wach kitz'ib'am kan konojel i profeta.