Mateo 20:21 - Wuj Pa K'ubultzij

²¹ I Jesús xutz'onoj che: —¿Wach kawaj yet? —Xub'ij. I ixoq xub'ij: —Are at o chik che i ajawinik re i Dios kwaj yin chi kaya chke i keb' wak'ali chi kekub'i ni pa taq atzal, jun pa wiqab'im, xaq i jun pa moxim —xub'ij i ixoq che.

I ʼUtz Laj Tzij Re I Dios

²¹ I Jesus xu tzʼonoj che: —¿Wach cawaj yet? —coʼono. I ixok xu bij: —Are at ʼo chic che a ʼatbal tzij, cwaj yin cha ya chique i queb wacʼal-i que cubi jujun pa tak a tzal, jun pa wikabim, y jun pa moxim —xu bij i ixok che.

Ri Utzilaj Tzij re ri Kanimajawal Jesucristo

²¹ Ri Jesús xutz'onoj che: —¿Sa' ri ca'aj la? —xcha'. Rixok xuc'ul uwach: —Wajawal, ya'a la chique wa queb walab quetz'uyi' uc' la pa ri takanic la, jun pawiquik'ab la y ri jun chic, pa mox la —xcha'.

Ri utzilaj tzij re ri kanimajawal Jesucristo

²¹ Ri Jesús xutz'onoj che: —¿Sa' ri ka'aj la? —xcha'. Rixoq xuk'ul uwach: —Wajawal, ya'a la chike wa keb' walab' ketz'uyi' uk' la pa ri taqanik la, jun pawikiq'ab' la y ri jun chik, pa mox la —xcha'.

Mateo 20:21 Referans Kwoze

Mateo 19:28

I Jesús xub'ij chke: —Qatzij i kinb'ij chiwe, are kuriq i ij chi kjaltaj ronojel ni'pa o chwach i jyub' ta'aj, are o chik i pacha Winaq chi Xolalaxoq chwach Ulew, kkub'i pukub'ib'al chi o u'ij, xaq yix chi ix terejnaq chwij xaq kya' i patan nim u'ij. Yix uri ki'at ni tzij pkiwi i je kab'lajuj tzob'aj aj Israel winaq.

Ester 5:3

i ajawinel xutz'onoj che: —¿Wach xak'ulmaj ati ajawinel Ester? ¿Wach kurayij ak'ux? ¡Tupu katz'onoj nik'aj che inrajawinik, kinya ni chawe! Are uri ati Ester xub'ij:

Mateo 18:1

Are uri xetejeb' pan utijoxelab' i Jesús ru', i xkitz'onoj che: —Pu'atb'al tzij i Dios aj Chikaj, ¿Pachin nawi nim u'ij ke'eloq? —Xkib'ij che.

Salmos 110:1

Keje iri xub'ij i Ajwal Dios che i ajawinel: “Chatkul pinwiqab'im, k'a keinya ni ajch'oj chawij chuxe' awaqan.”

Hechos 1:6

I winaq are kimolom kib' ru' i Jesús, xkitz'onoj che: —Ajwal, ¿Lik wo'or kaya chik i ajawinik pki'ab' aj Israel? —Xecha.

Marcos 6:22

Are ketijin konojel chwa'im i ralit ati Herodías kxajawik xok b'i chkiwach. Rumali i ma Herodes xaq konojel ni'pa ketijin chwa'im ru' lik qus xkilo wach xajawik xu'an i ali le. Rumali i ma Herodes xub'ij che ali: —Chatz'onoj chwe wach kawaj, man kinya ni chawe —xcha.

Mateo 20:32

Are uri i Jesús xtak'i'ik xaq xeusik'ij ru'. Xub'ij chke: —¿Wach kiwaj kin-an chiwe? —Xcha.

1 Reyes 3:5

Xuk'ulmaj jun a'ab' i Ajwal xuk'ut rib' puwaram ma Salomón chila pa Gabaón, xub'ij: “Chatz'onoj chwe wach kawaj man yin kinya ni chawe.”

Colosenses 3:1

Yix ya ix walijnaq chik che i kamik junam ru' i Cristo, rumali mirayij chik i to' re uwach i jyub' ta'aj, are chirayij ni'pa o chikaj pa ku'at wi tzij i Cristo ru' i Dios.

Romanos 12:10

K'ax china iwib' chiwach pacha iwatz icha' iwib'. Chiya ik'ux chuya'ik i'ij chiwach.

Juan 15:7

“Yix we kixjeqi chwe Yin xaq we kixkojon che ink'utunik, chitz'onoj uri wach kiwaj man lik kyataj ni chiwe.

Lucas 22:24

I utijoxelab' i Jesús, xe'ok chuchapik kib' chitzij chi pachin nawi chke ike mas nim u'ij chkiwach i rachi'il.

Lucas 19:11

I Jesús tz'aqat ketijin i winaq chutayik utzij, xub'ij jun tijojb'al tzij chke. Keje xu'an ile chke man ya kok pa tinimit Jerusalén. Xwiri i winaq kkich'ob'o, chi we xok ire chila, ya kujeq i nim laj ajawinik re i Dios pkiwi.

Lucas 18:41

—¿Wach kawaj kin-an chawe? —Xcha. I mawach xub'ij che: —Nim laj winaq, kwaj yin kinatzunsaj —xcha che.

Marcos 10:51

I Jesús xutz'onoj che: —¿Wach kawaj chi kin-an chawe? I mawach le xub'ij: —Tijonel, kwaj kintzunik.

JEREMÍAS 45:5

¿Yet katzukuj nimaq taq b'iroxik? Matzukuj ut man Yin xa k'ax laj taq yob'il kintaq b'i pkiwi konojel i winaq. Xwiri kinya ni ak'aslemal xaipa kat-e wi: Yin in Ajwal, xinb'iw ile.”

Salmos 45:9

Chkixol i ixoqib' chi je o pak'ijib'al, lik je chomiq taq altom chi kimi'al i ajawinelab'; pa wiqab'im che akub'ib'al chi o u'ij o ati ajawinel chi wiqtal ru' i rutzil an-o'oj.

Romanos 8:34

¿Pachin uri kb'in chqe chi kqatoj i qamak? Mijun, man i Cristo ya xuya rib' che i kamik qumal yoj. Xwi ta la ile, xaq lik xwalij che kamik, i wo'or o puwiqab'im i Dios chila chikaj, ktijin chutz'onoxik i utz pqawi yoj.

1 Reyes 2:19

Are uri ati Betsabé x-e pa lapanik ru' ma Salomón chi ajawinel, xch'aw chrij ma Adonías. I ajawinel xwalijik, xpe chuk'ulaxik uchuch xaq lik xxuki chwach, te'uri xkub'i chik pukub'ib'al chi o u'ij xaq xutaq uk'amik jun xila nim re ukub'ib'al uchuch, are uri i ati Betsabé xkub'i puwiqab'im i ralab'.

Marcos 16:19

Chrijil chik ulapanik ku' utijoxelab', i Jesús xyak b'i chikaj, are uri xkub'i puwiqab'im i Dios.

Mateo 20:22

—Yix iweta'am taj wach i kitz'onoj —xub'ij i Jesús chke—. Ni'pa i k'ax, xaq i uyej chi kinik'aw wi Yin, ¿Kixtiki yix chuch'ijik ronojel ile? —Xub'ij chke. —Kojtiki'ik —xecha.