Mateo 13:42 - Wuj Pa K'ubultzij

⁴² Te'uri kek'aq ni pa a' pa orno. Chila ke'o' na; xaq kkiqach'ach'ej uwake rumal ni uk'axk'ol.

I ʼUtz Laj Tzij Re I Dios

⁴² Teʼuri que cʼak na pa ʼaʼ pa orno. Chila que oʼ na; xak quiqui kachʼachʼej uwaque rumal ni uyej quiqui tijo.

Ri Utzilaj Tzij re ri Kanimajawal Jesucristo

⁴² Quebequic'ak bi pa ri orna cajomow ak' chupa; chiri' c'u ri' quebok' wi y cakich'ich' ruwi que'.

Ri utzilaj tzij re ri kanimajawal Jesucristo

⁴² Keb'ekik'aq b'i pa ri orna kajomow aq' chupa; chiri' k'u ri' keb'oq' wi y kaqich'ich' ruwi ke'.

Mateo 13:42 Referans Kwoze

Mateo 13:50

Te'uri kek'aq ni pa a' pa orno. Chila ke'o' na; xaq kkiqach'ach'ej uwake rumal uk'axk'ol xaq i o'ej. Keje i tijojb'al tzij ile xub'ij i Jesús.

Apocalipsis 20:10

I Itzel, chi je ut'orom te'eq, xk'aq b'i pa nim laj a', chi pacha uwi i mar kjuluwik rumal i asufra. I a' le are i a' pa xk'aq wi i jun chi pacha itzel chikop, xaq i profeta chi xa ajt'oronel. Chila kejilaw wi chipa'ij chicha'ab' k-e ij saq chkij.

Mateo 8:12

Xwiri, ni'pa i ke'ok te pa ajawinik re i Dios, xa keya' ni pa equmal; chila ke'o' wi, lik kkiqach'ach'ej ni kiware rumal uk'axk'ol, keje ile —xub'ij i Jesús chke i winaq.

Apocalipsis 19:20

I itzel chikop xchaptajik, xaq i rachi'il xchaptajik chi pacha profeta, xwiri xa ajt'oronel. Are ire le chi u'anom i nim laj anik rumal ucho'ab' i itzel chikop are o chwach. Rumal i nim laj anik le, je k'i i winaq je ut'orom xwiri xa je are ike chi o chik k'utb'al re i itzel chikop chke xaq kikojom u'ij i uk'exwach. Te'uri i itzel chikop xaq i rachi'il chi ajt'oronel, ike le je k'aslik xek'aq b'i chupam i a'. I a' le pacha uwi i mar kjuluwik chi kjuluw rumal i asufra.

Apocalipsis 14:10

ike le lik kkitij ni uyej rumal i nim laj tojpen chi kpe ru' i Dios. Kkitij ni tojpen uyijb'am i Dios rumal i roywal. Kek'achir ni pa a', xaq chupam i asufra chi kjuluwik. Kkitij ni uyej le chkiwach i lo'laj ángel xaq chwach i jun chi Ral Chij chi Tol qe.

Mateo 25:41

Te'uri i Ajawinel kub'ij ni chke i je o pumoxim: “Chixel chi chinwach, yix chi ix k'oqtal rumal i Dios. Jix pa a' chi ktoqow ronojel ij saq, chi yijtalik re Itzel junam ku' u-ángel.

Mateo 22:13

Te'uri i ajawinel xeusik'ij i umokom, xub'ij chke: —“Chixima i u'ab' i raqan, xaq chiwesaj b'i rija pa equm. Chila ko' na, xaq kuqach'ach'ej ni uware rumal ub'is”; xub'ij chke.

Daniel 3:6

Pachin i jun chi kxuki taj i kukoj ti u'ij i nim laj k'exwach, lik juntir kk'aq nu b'i pa jun orno chi lik kjuluw upam.”

Apocalipsis 21:8

Xwiri, ni'pa i kkixij kib' che i terejik chwij yin, ike ke'e pa a' chi kjuluwik pacha uwi mar kjuluw rumal asufra. Xaq chila ke'e wi jub'an chi kikojom ti intzij; xaq keje jub'an chi utz ti u'anom kik'aslemal; xaq keje i jub'an chi ki'anom i kamik; xaq keje jub'an chi kki'an i ch'am taj ru' kich'akul, xaq keje jub'an chi kki'an i itz; xaq keje jub'an chi kkikoj u'ij i kitiox chi xaril antalik; xaq konojel i je ajt'oronel. Is ke'e pa a' chi kjuluwik pacha uwi i mar kjuluwik rumal i asufra. Ile are ukab' kamik. Keje xub'ij i jun ile chwe, chi kul pa chom laj kub'ib'al.

Lucas 13:28

Te'uri lik kix-o' na, lik kiqach'ach'ej ni iware xaq kiwil na chi pa ja je o mam Abraham, mam Isaac, mam Jacob; xaq konojel i profeta is je o chila pa ajawinik re i Dios, xwiri yix lik xixkanaj kan chisaq.

Mateo 3:12

Kolu'ata tzij pkiwi i winaq, pachin i je utz, xaq pachin i ne te utz. Ire yij chik pacha ku'an jun ru' u-pala are kupu uwach u-trigo. Are i utz kel che u-trigo, kumolo xaq kuya ni puk'olb'al. I rij, chi utz taj, kporox ni pa a' chi nti uchupik; xub'ij i ma Wan chke.

Salmos 21:9

keaya ni pa orno chi kjuluw a' chupam are katupon chu'atik tzij pkiwi; i Ajwal ru' nim laj roywal, keuk'at nu b'i ru' jun kamsanel laj a'.

Apocalipsis 9:2

Te'uri, xujaq i jul; are xjaqtajik, xel li sib' chupam pacha re jun nim laj orno, chi xu'equmarsaj uwach i ij, xaq ronojel i kaj.

2 Samuel 23:7

We o jun kraj kuyako, kuyak uri ru' jun ch'ich', we ntaj ru' jun che' chi o ch'ich' chutzam, te'uri kuk'aq pa a' man keje ile kk'at b'i ronojel. Xcha ma David.