Marcos 12:1 - Wuj Pa K'ubultzij

¹ I Jesús xujeq lapanik ku' i winaq ru' tijojb'al taq tzij, xub'ij chke: Jun achi xutik jub'an uva prulew xaq xukoj koral chrij, xuyijb'a jun k'ijib'al ipa kkiyitz' wi uwa'al i uva le, xaq xuyijb'a jun ja tak'tik chupam i tikon le, chajb'al re ronojel i tikon. Te'uri xeukoj jujun ajchakib' ajpamey ru'; ire x-e che jun tinimit naj.

I ʼUtz Laj Tzij Re I Dios

¹ Teʼuri i Jesus xu jek u bixquil i tijojbal tak tzij chique. Xu bij: —ʼO jun achi xu tic juban u ticon, úva ca bixic, y xu coj coral chirij. Xu yijba pa quiqui yitzʼ wi u waʼal i úva, xak xu yijba jun ral ja tacʼtic chupam i ticon, chajbal re ronojel. Teʼuri xe u coj jujun ajchaquib, je aj a média ruʼ, y xa ʼe ire naj che jun tinimit.

Ri Utzilaj Tzij re ri Kanimajawal Jesucristo

¹ Ec'uchiri', ri Jesús xujek cac'utun chiquiwach ri e aj wach ruc' tak c'ambal na'oj, xubi'ij chique: «C'o jun achi xu'an tico'n re uva chwach ri rulew. Xusut c'u rij ruc' coral, xuc'ot jun luwar pa cayitz' wi ruwa'al ri uva y xuyac jun ja naj uwi' re chajibal re. Xuya c'u can pa tunulic chique jujun aj chaquib. Tec'uchiri', xe'ec naj.

Ri utzilaj tzij re ri kanimajawal Jesucristo

¹ Ek'uchiri', ri Jesús xujeq kak'utun chikiwach ri e aj wach ruk' taq k'amb'al na'oj, xub'i'ij chike: «K'o jun achi xu'an tiko'n re uva chwach ri rulew. Xusut k'u rij ruk' coral, xuk'ot jun luwar pa kayitz' wi ruwa'al ri uva y xuyak jun ja naj uwi' re chajib'al re. Xuya k'u kan pa tunulik chike jujun aj chakib'. Tek'uchiri', xe'ek naj.

Marcos 12:1 Referans Kwoze

Marcos 13:34

Ile ke'eloq pacha jun achi chi enam re k'a naj, kuya kan rachoch pki'ab' i rajchak. Xaq kuya kan kichak chkijujunal chi kki'ano. Xaq kub'ij kan che i chajal chi chk'ask'at che i chajinik.

Marcos 4:2

Are uri i Jesús lik k'i i k'utunik xujeq uya'ik chke i winaq chila ru' jalajuj taq tijojb'al tzij. Chupam uk'utunik le xub'ij iri chke:

Mateo 25:14

K-antaj ni uri chi: U'atb'al tzij i Dios aj Chikaj keje pacha iri: Jun achi k-e che jun tinimit k'a naj; xeusik'ij umokom xaq xroqxanij kan upwaq ku'.

Hechos 7:38

Xaq are mam Moisés le o ku' aj Israel pa nim laj moloj ib' chila pa tz'inilik jyub' chaqij, xaq are ire x-ijlax rumal i ángel che i jyub' Sinaí xaq are ire xk'iji ku' i qatit qamam. Xwi ta la ile, xaq che ire xya' wi ni'pa i tzij re i k'aslemal man re kuyab'ej chqe yoj.

Lucas 19:12

Rumali, ire xub'ij i tziji chke: —O jun achi, nim u'ij upatan, chi x-e che jun tinimit k'a naj, chuk'amik upatan re ajawinel puwi utinimit; are o chik pu'ab', ktzalij loq.

Lucas 15:13

X-on pan jub'i' i cha'xel is xuk'ayij ronojel ub'itaq re chi xjach che. Ru' i mer le lik x-e che jun tinimit k'a naj. Chila xok chuk'isik umer, to' xaqmanal xu'an che, uk'aslemal lik utz ti xu'ano.

Lucas 8:10

Ire xub'ij chke: —Chiwe yix Dios uya'om chiwe chi kita ub'e i ajawinik re Ire chi x-etamax ti ujer; xwiri i to' winaq xa ru' tijojb'al tzij k-ani i k'utunik chke, man ke'el chke chi ketan neri, xwiri kkita ti ub'e, ketzun neri, xwiri kkil ti ub'e wach k-anik —xcha.

Mateo 21:28

Te'uri i Jesús xutz'onoj chke: —¿Wach kich'ob' yix che i tziji? O jun achi, je o keb' uk'ojol. I achi xub'ij che i jun: “Wak'al, jat wo'or pa chak chupam intikon.” Xcha.

Ezequiel 20:49

Yin xinla' uwach che: ¡Ay, Ajwal, i winaq ketijin chub'ixkil chi yin kinb'ij i b'iroxik chi mijun kuta ub'e!

JEREMÍAS 2:21

Yin xatintiko pacha i rutzil laj uva, pacha i rutzil laj ija re uva. ¡Xwiri lik ayojom chik awib' chi lik kwetamaj tene chik awach!

ISAÍAS 7:23

Che taq i ij le o tikonb'al uva chi o lajujwinaq kamo' (1,000) tikon chwach chi rajil te'eq lajujwinaq kamo' (1,000) saqpwaq, che taq i ij le kkanaj ni kanoq pacha k'ix xaq pacha chaqij taq es pa chaqij taq jyub'.

Lucas 22:9

Ike xkitz'onoj che: —¿Pa kawaj wi kqayijb'a wi wa'im? —Xecha.

Mateo 13:3

Te'uri xujeq uk'utik k'iyal taq b'iroxik chke ru' tijojb'al taq tzij. “Jun ajtikanel x-e pa tikanik.

Mateo 21:33

Te'uri xub'ij chke: —Chita chik jun tijojb'al tzij. O jun achi nim i rulew, utikom uva chwach. Te'uri xukoj koral chrij; xuyijb'a pa kkiyitz' wi uwa'al i uva, xaq xuyijb'a jun ral ja tak'tik chupam i tikon, chajb'al re ronojel. Te'uri xeukoj jujun ajchakib' je ajpamey ru'; ire x-e che jun tinimit naj.

Mateo 21:34

Are xuriq i ij re i molonik, xeutaq li umokom chutz'onoxik re ire chke i ajpamey.

Marcos 3:23

Are uri i Jesús xeusik'ij konojel i tijonelab' le, xub'ij jun tijojb'al tzij chke: “¿Wach u'anik ile chi jun Itzel kresaj b'i jun rach Itzel?”

Marcos 11:33

Rumali, xkib'ij che i Jesús: —Qeta'am taj. Are uri i Jesús xub'ij chke: —Xaq keje yin uri kinb'ij ti chiwe b'i chi atb'al tzijal o pin-ab' chu'anik iri —xcha.