Marcos 1:8 - Wuj Pa K'ubultzij

⁸ Yin, xa ya xinqajsaj piwi, xwiri Ire kuqajsaj ni i Lo'laj Utewal i Dios piwi.” Keje ile xub'ij ma Wan chke i winaq.

I ʼUtz Laj Tzij Re I Dios

⁸ Yin, xa ya quin kajsaj piwi, xui-ri ire cu kajsaj ni u Tewal i Dios piwi. (Queje ile xu bij i ma Wan chique i winak.)

Ri Utzilaj Tzij re ri Kanimajawal Jesucristo

⁸ Pakatzij wi, ri'in xinya ri bautismo che alak ruc' ya'; no'j ri bautismo cuya Rire che alak, e ruc' ri Santowilaj Ruxlabixel ri Dios» cacha'.

Ri utzilaj tzij re ri kanimajawal Jesucristo

⁸ Paqatzij wi, ri'in xinya ri bautismo che alaq ruk' ya'; no'j ri bautismo kuya Rire che alaq, e ruk' ri Santowilaj Ruxlab'ixel ri Dios» kacha'.

Marcos 1:8 Referans Kwoze

Hechos 1:5

Qatzij ne ri chi ma Wan xuqajsaj ya pkiwi, xwiri ya kuriq i ij chi i Dios kuqajsaj ni i Lo'laj Utewal Ire piwi yix.

1 Corintios 12:13

Qonojel yoj xoj-eloq oj uch'akul i Cristo, xa jun xe'eloq. Nti k-ono we oj aj Judío winaq, xaq we oj aj Grecia winaq; nti k-ono we xa oj winaq pa k'ax rumal i rajaw qachak, o we oj o'talik. Are xqajsax ya pqawi, xa oj jun ch'akulaj xojel loq rumal i Lo'laj Utewal i Dios; xaq xa jun Utewal yatal chqe chqajujunal.

Joel 2:28

Chrijil chik i b'iroxiki kinya nu b'i Intewal pkiwi konojel i winaq: Imi'al xaq ik'ojol kkitzijoj ni pinb'i, i rijab' kki'an ni achik', i alab'om i altom kkil ni b'iroxik pkiwach.

Hechos 10:45

I aj Judío winaq chi je kojonnaq che i Dios, chi xaq je uponnaq ru' ma Pedro, lik xkib'isoj chi Lo'laj Utewal i Dios xqaj pkiwi i jub'an chi ne te aj Judío,

Hechos 2:4

Are uri konojel lik xok i Lo'laj Utewal i Dios pkik'ux, te'uri xkijeq ch'awik che jub'an chik ch'ab'al chrij pacha i ch'ab'al chi xuya i Lo'laj Utewal i Dios chke.

Hechos 2:17

Pa taq k'isb'al ij, i Dios kub'ij kintaq b'i Intewal pkiwi konojel i winaq; ni'pa iwak'al alab'om xaq i je altom kkib'ij ni intzij chke i winaq, ni'pa i alab'om, kkil ni pa wachij wach inch'ob'om kin-an na; xaq ni'pa i rijab' kkachik'aj na wach taq kin-ano,

Mateo 3:11

Yin, qatzij, kinqajsaj ya piwi yix, k'utb'al re we ijalwachim chik i nojb'al chwach i Dios. Xwiri, i Jun chi kk'un chwijil yin kuqajsaj ni Lo'laj Utewal i Dios piwi ru' i a'. Ire lik nim ni u'ij chinwach yin; kmajaw ti chwe we kin-an mokom che wib' chrij, mitene kwok'aj uxajab' che, man lik nim u'ij.

ISAÍAS 44:3

Man kin-an na chi kb'in i ya pa tz'inilik jyub' chaqij, kb'olb'at na li ya pa chaqij jyub'. Yin kinya ni k'ak' kik'aslemal i je amuq axikin, kintaq nu b'i utzil chomal pkiwi.

ISAÍAS 32:15

Xwiri i ucho'ab' i Ajwal kk'un chik pqawi yoj, i tz'inilik jyub' chaqij ksach na, k-on ni jun ulew utz re ktuk uwach, xwiri i ulew chi re tikanb'al lik mas k-on utz i tikon chwach.

Proverbios 1:23

Chitatb'ej inpixb'anik man yin lik kinya ni intewal piwi, xaq kinya ni retamaxik inch'ob'onik chiwe.

Marcos 1:7

Are ktijin chub'ixkil utzij i Dios, xub'ij i tziji chke i winaq: “Chwijil yin kk'un chik jun chi lik nim u'ij chinwach yin, chi lik kmajaw ti chwe chi kinchakiqaj chutorik uwach uxajab' che, man lik nim u'ij.

Marcos 1:9

Che taq i ij le xel i Jesús pa Nazaret chi o chila che i ulew re Galilea, x-e chi raqana Jordán, are uri i ma Wan xuqajsaj ya puwi chupam i raqana le.

Lucas 3:16

Ire xub'ij uri chke konojel: Yin nti Cristo chi iwoy-em. Yin, qatzij kinqajsaj ya piwi, xwiri, i jun chi kk'un chwijil yin kuqajsaj li Lo'laj Utewal i Dios piwi; xaq i a' piwi. Ire mas nim ni u'ij chinwach yin; chi lik kmajaw ti chwe kin-an mokom che wib' chrij, mitene kintor uwach uxajab', rumal nim u'ij.

Juan 1:26

I ma Wan xula' uwach chke: —Yin, qatzij kinqajsaj ya pkiwi i winaq, xwiri chixol yix o jun chi iweta'am ti uwach.

Juan 1:33

Yin weta'am taj pachin taq Ire le, xwiri i Dios chi xinutaq li chuqajsaxik ya pkiwi i winaq, xub'ij: Are i jun chi kqaj Lo'laj Utewal i Dios puwi, are Ire le, kuqajsaj i Lo'laj Utewal i Dios pkiwi i winaq; xcha.