LEVÍTICO 27:26 - Wuj Pa K'ubultzij

²⁶ Konojel i nab'e taq kak'al i chikop, lik je re i Ajwal, rumali rajwaxik ti chik kejach pu'ab', tupu we chij xaq we chikop.

LEVÍTICO 27:26 Referans Kwoze

ÉXODO 13:2

“Konojel i nab'e taq ak'alab' chi kealax chkixol aj Israel, xaq keje i nab'e taq alaxel chke i chikop, cheijacha pin-ab' man lik je we yin.”

Deuteronomio 15:19

Konojel i nab'e taq kak'al achikop chi je mama'ib' kealaxik xaq i nab'e taq kak'al achij, rajwaxik chi kajach pu'ab' i Awajwal Dios. Meachakunsaj i nab'e taq kak'al achikop xaq mawesaj i kismal i nab'e taq kak'al achij.

NÚMEROS 18:17

Xwiri katz'onoj ti rajil re elsab'al b'i ke i nab'e taq kak'al i chikop, chij xaq i chab'at. Man ike le je we Yin xaq lik keakamsaj na, i kikik'el kjam ni puwi i sujb'al sipon xaq i kixepuyil kaporoj na re i sipon chi umuyal uk'ok'al chwe Yin.

ÉXODO 22:30

Xaq keje i nab'e taq kak'al achikop xaq i nab'e taq kak'al achij; wuqub' ij kk'iji ni ru' uchuch, te'uri che uwajxaqib' ij ralaxik kaya ni chwe Yin.

LEVÍTICO 27:27

Xwiri we are jun chikop chi ch'am taj, k-ani uri tikilem che kik'am b'ik chrij pacha i rajil chi kb'ixik, kutoj juwinaq puwi i jutaq jo'winaq (100) chrij pacha i rajil chi xub'ij i ajsujul sipon, xwiri we kik'am taj, kk'ayix uri che i rajil chi b'italik.

NÚMEROS 3:13

man konojel i nab'e taq ak'alab' lik je we yin. Are xeinkamsaj konojel i nab'e taq kak'al aj Egipto, xeink'am kan konojel i nab'e taq kak'al aj Israel xaq konojel i nab'e taq kak'al i jalajuj taq chikop, man lik je we yin. Yin in Ajwal xinb'ij ile.”

2 Reyes 7:5

Keje uri ile chi xewalij b'i cha'ab', xe'e chila ku' aj Siria ipa je o wi achiyab' chi je yij che i ch'oj. Xwiri are ya naqaj chik je o wi, are uri xkinab'ej chi nti winaq chila.

NEHEMÍAS 10:36

xaq kqak'am b'i prachoch i Ajwal Dios, i nab'e taq qak'al xaq nab'e taq kak'al qachikop, qachij, chila chkiwach ajsujul sipon chi kki'an kipatan prachoch i Ajwal, chrij pacha tz'ib'tal chupam i wuj re i atb'al tzij.