LEVÍTICO 27:18 - Wuj Pa K'ubultzij

¹⁸ Xwiri we kujach pu'ab' i Ajwal chrijil chik i junab' re i o'tanik, i ajsujul sipon kub'ij uri ni'pa rajil kutojo chrij ni'pa junab' chi k'amaja kuriqa i junab' re i o'tanik lik kuqajsaj li rajil.

LEVÍTICO 27:18 Referans Kwoze

LEVÍTICO 25:27

krajlaj ni'pa junab' uk'ayixik kanoq rumal, man keje utzalixik tan chik umer ku'an che, i lo'ownaq kan i rulew che; keje ukanajik tan chik uri rulew ile pu'ab'.

LEVÍTICO 27:14

Jun we kujach rachoch pu'ab' i Ajwal, are i ajsujul sipon kukoj rajil uri chrij pacha uchomal i ja, i rajil i ja chi kukoj ajsujul sipon lik are rajil uri ile kkanajik.

LEVÍTICO 27:17

Jun we kujach rulew pu'ab' i Ajwal che i junab' re i o'tanik, kutoj uri rajil chrij pacha b'italik.

LEVÍTICO 27:19

I jun chi xujach rulew pu'ab' i Ajwal xwiri we kraj kuk'am tan chik, kutoj juwinaq puwi i jutaq jo'winaq (100) chrij pacha i rajil chi xub'ij i ajpatan, i ulew ku'an chik re ire.

LEVÍTICO 27:23

i ajsujul sipon kub'ij ni uri ni'pa rajil i ulew le kutojo chrij ni'pa junab' k'amaja kuriqa i junab' re i o'tanik, i lok'anij lik che i ij le kutoj i rajil ulew le chi xub'ij ajsujul sipon, te'uri kujach i mer le pu'ab' i Ajwal.