LEVÍTICO 26:37 - Wuj Pa K'ubultzij

³⁷ Kixa' ni iwib' chiwach pacha taq kix-anmaj chwach jun nim laj ch'oj tupu nti jun kix-oqtawik; mijun chiwe yix kutak'b'a rib' chkiwach je ajch'oj chiwij.

LEVÍTICO 26:37 Referans Kwoze

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

JEREMÍAS 37:10

Tupu yix lik keikamsaj i achiyab' aj Caldea chi je yij che i ch'oj, chi kki'an ch'oj chiwij yix, chi xa je keb' oxib' achiyab' je soktajnaq kekanaj kan chuxe' i wu'wik ja, i achiyab' le kewalij na xaq kkinak' ni a' che i tinimit.”

ISAÍAS 10:4

We kqajsax ti i'ij xaq we kixk'am tu b'i prexil, kixtzaq ni ku' ni'pa i kekamsaxik. Xwiri i roywal i Ajwal lik ik'awnaq taj, Ire k'a kuch'ach'a usachik iwach.

Jueces 7:22

Tz'aqat i je jo'lajujwinaq (300) aj Israel kkimayij ti uxut'ixik i rok'a' chij, i Ajwal xu'an chke aj Madián chi xki'an ch'oj chkiwach xaq xe'anmaj b'i k'a Bet-sita chi o chila pa b'e Zerera, k'a kupon chila chuchi' ulew Abel-mehola, chi o chila chunaqaj che i Tabat.

NÚMEROS 14:42

Mix-e tan man i Ajwal k-e ti iwu'. We kix-ek kixkich'ak i je ajch'oj chiwij.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

JEREMÍAS 6:21

Rumali i Ajwal kub'ij: “Kin-an ni che i tinimit le kutakij nu b'i rib' xaq ktzaq na, qajawxelab' xaq alk'uwalxelab', winaq chi ix o naqaj xaq i amiy, xaqjun kamik kki'ano.”

JEREMÍAS 46:16

I achiyab' chi je yij che i ch'oj chi je awe yet, kkitakij b'i kaqan xaq ketzaq b'ik, kkib'ij ni uri chkiwach: ¡Jo', chojel chi, jo' pa qulew che i tinimit ipa xojalax wi! ¡Choj-anmaj chwach i ch'oj xaq i kamik!

NAHUM 3:3

¡Achiyab' ajrij taq kaway enam ke pa ch'oj! ¡Uwalch'inik i ch'ich' chi k'ulala o uware, urepxinik i che' ch'ich' utzam! ¡Lik nti kisuk' i je soktajnaq, k'iyal taq t'ub'aj je kamnaq! ¡Ch'akulaj ke i kamnaq chi lik nti usuk'! ¡I winaq are keb'inik kkitakij kaqan chke!

1 Samuel 4:2

Kelik chila pa Afec le, xe'e chkij aj Israel che i ch'oj, i aj Filistea le xekich'ak aj Israel, xekikamsaj lajujmo' (4,000) achiyab' chila ipa xki'an wi ch'oj.