LEVÍTICO 26:35 - Wuj Pa K'ubultzij

³⁵ Ronojel i junab' are lik tz'inil i ulew le lik kuxlan na. Man yix are ix o te'eq chwach, lik uxlannaq taj.

LEVÍTICO 26:35 Referans Kwoze

Romanos 8:22

Xwiri qeta'am chi wo'or ni'pa i jyub' ta'aj chi uyijb'am i Dios, ketijin chrilik i k'ax pacha ku'an jun ixoq ru' uk'axk'ol are kalax rak'al.

LEVÍTICO 26:34

Man keje ile i ulew kkikot na man kuxlan ni ronojel i junab' chi nti winaq chwach, tz'aqat yix ix o pkitinimit i winaq chi je ajch'oj chiwij; keje ile kuxlan ni ulew xaq kkikot na man lik uxlannaq taj.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

JEREMÍAS 34:17

Keje uri ile, Yin, chi in Ajwal, kinb'ij: Yix xixkojon ti chwe man xeiwo'taj tu b'i iwinaq chi je o pa k'ax; rumali wo'or Yin kin-an na chi kjeqan ni nim laj ch'oj chixol, wa'jal xaq yob'il, man keje ile lik kkiya ni jun nim laj xib'rikil chiwe xaq che ronojel ni'pa i ajawinik chwach i jyub' ta'aj. Yin in Ajwal, xinb'iw ile.

LEVÍTICO 25:2

Chab'ij i tziji chke aj Israel: Are ix oknaq chik chwach ulew chi kinya ni chiwe, i ulew rajwaxik kuxlan na kojb'al u'ij i Ajwal.