LEVÍTICO 25:50 - Wuj Pa K'ubultzij

⁵⁰ Ire xaq i rajaw kkajlaj ni'pa junab' x-on ru', are i ij chi xulo'o k'a che i junab' re i o'tanik; i rajil re i lo'b'al re are ni pacha kuch'ak jun ajchak, chrij ni'pa junab' chakunnaq chik.

LEVÍTICO 25:50 Referans Kwoze

ISAÍAS 21:16

I Ajwal xub'ij chwe: “Pa jun junab' panoq, lik pacha ku'an jun ajchak are krajlaj i rajil chi lik chwach k'as wi, lik kk'is ni ronojel u'ij i tinimit Cedar.

ISAÍAS 16:14

Wo'or i Ajwal kub'ij: “Pa oxib' junab' panoq, lik pacha rajlaxik k-on jun ajchak are krajlaj rajil, chi lik che k'asinaq wi; ni'pa u'ij uchomal i Moab kyo'yax na, tupu lik je k'i uwinaq xa jun ral mutzaj chik kkanaj kanoq chi lik nti kicho'ab'.”

Job 14:6

Chamayij uk'ak'alixik, xaq chaya ni i chomb'al ib' che, chaya ni che chi kuqusij i rajil chi kuch'ak chwach i chak.

Deuteronomio 15:18

Mach'ob' yet chi utz taj we kawo'taj b'i jun winaq chi o pa k'ax awu', man ire ya xchakun waqib' junab' awu', xaq ni'pa rajil xaya'o rumal xchakun chawij, xa nik'aj che i rajil jun ajchak; xwi ta la ile, i Ajwal kuya ni utzil chomal pawi che ronojel ni'pa ka'ano.

LEVÍTICO 25:53

Rajwaxik k-an ni che pacha jun ajchak chi moktalik re junab' uwach, yix rajwaxik chi kiya taj kkamsax jun aj Israel pa chak.

LEVÍTICO 25:40

Cha'ana che pacha jun ajchak, xaq pacha jun ajposar awu'. Kchakun ni awu' k'a kuriqa ni junab' re i o'tanik.

LEVÍTICO 25:28

Xwiri we ktiki ti chumolik uchi' umer re kuk'am chi kan rulew chi uk'ayim, lik kkanaj ni uri pu'ab' i lo'ownaq k'a kuriqa ni junab' re i o'tanik, te'uri i lo'ownaq kro'taj ni ulew xaq i k'ayiwnaq kuk'am chik rulew.

LEVÍTICO 25:49

Nti k-ono we jun rikan, jun ratz ucha' pa tzij, xaq xapachinoq chke i rachalal chi je aj najil taj che; xaq utz we are ire kresaj rib' pu'ab' i xlo'owik we ktiki che.

LEVÍTICO 25:51

Xwiri we k'a k'iyal junab' kraj chi kuriqa i junab' re i elik chisaq, rajwaxik uri chi kuchap jub'i' che i mer chi xya' che are xlo'ik kuk'isb'ej utojik i relb'al b'ik.