LEVÍTICO 25:46 - Wuj Pa K'ubultzij

⁴⁶ Xaq kiya kan pki'ab' iwak'al chuxe'el ikamik yix man re ni kitaqon. Xwiri mijun chiwe yix chi ix aj Israel kikamsaj taq jun iwach aj Israel pa chak.

LEVÍTICO 25:46 Referans Kwoze

ISAÍAS 14:2

K'iyal nimaq taq tinimit kekik'ulaj ni aj Israel ku', xaq kkachnimaj ni k'a pkitinimit, i aj Israel kekik'am nu b'ik pacha je winaq chi je o pa k'ax rumal i rajaw kichak chwach i jyub' ta'aj re i Ajwal. Xaq i aj Israel kekik'am nu b'i prexil i jub'an chi xek'amaw b'i ike prexil ujer, xaq kkiqajsaj ni ki'ij i jub'an chi xe'anaw k'ax chke ike ujer.

LEVÍTICO 25:43

Makamsaj pa chak, are cha'ana, chak'utu chi kakoj u'ij a-Dios.

ÉXODO 1:13

Xekitaq aj Israel chu'anik i k'ax laj taq chak, lik xkil ti tob'al kiwach;

LEVÍTICO 25:45

Xaq utz kalo' chke i winaq je aj naj chi je jeqel chixol xaq we are i kak'al chi kealaxik tz'aqat are je jeqel pitinimit yix; ike le utz keilo'o, lik iwe yix.

LEVÍTICO 25:47

Jun aj naj chi o chwach iwulew, we xb'eyomarik, xaq we o jun iwach aj Israel chunaqaj we xchaptaj rumal jun nim laj nib'a'il, xaq we xuk'ayij rib' che aj naj le chi b'eyom, xaq we che jun chik aj naj,