LEVÍTICO 25:39 - Wuj Pa K'ubultzij

³⁹ We o jun chke alok'anij kchaptaj rumal jun nim laj nib'a'il are o awu' chi awachoch, xaq we xuk'ayij rib' chawe, lik ma an taq che pacha jun winaq chi o pa k'ax rumal i rajaw.

LEVÍTICO 25:39 Referans Kwoze

ÉXODO 21:2

We o jun kulo' taq jun winaq aj Hebreo chi o pa k'ax rumal i rajaw uchak, waqib' junab' uri kchakun na, xwiri che uwuq junab' ko'tax nu b'ik, lik kutoj ti relb'al b'ik.

1 Reyes 9:22

Xwiri mijun chke aj Israel xu'an taq che chi pacha jun winaq chi o pa k'as rumal i rajaw uchak, are xu'ano, xe'on chke chi je achiyab' je yij che i ch'oj, aj-ok'al utzam chke i je yij che i ch'oj, nimaq kipatan re i ch'oj, aj-atzil re i ch'oj; aj-ok'al utzam re i ch'ich' xaq i kaway re anb'al ch'oj.

NEHEMÍAS 5:5

“Yoj xaq i qach aj tinimit oj xaqjun chi lemajil; i qak'al yoj xaq i kak'al ike lik rajwaxik chi junam kilik k-anik man je xaqjun. Tupu, yoj keqaya ni qami'al qalk'uwal chi k-an ni mokom chke chi je o pu'ab' kajaw. Saq laj tzij chi o chik jujun chke qami'al chi je mokom chik, lik nti pqa'ab' chi keqesaj che ile, man i qulew xaq i qatikanb'al ya o chik pu'ab' jun chik.”

2 Reyes 4:1

Jun ixoq chi rixoqil te'eq jun chke profeta, xukoj uch'ojil che ma Eliseo, xub'ij che: —I wachijil, chi awajchak yet, xkamik, chk'un chak'ux chi ire lik xkojon che i Dios. Xwiri wo'or xk'un i achi chi o qacha'im ru', kraj ire keuk'am b'i keb' walab' pacha winaq chi je o pa k'ax rumal rajaw kichak.

LEVÍTICO 25:46

Xaq kiya kan pki'ab' iwak'al chuxe'el ikamik yix man re ni kitaqon. Xwiri mijun chiwe yix chi ix aj Israel kikamsaj taq jun iwach aj Israel pa chak.

JEREMÍAS 34:14

chi pa wuqub' taq junab' keko'taj b'i aj Hebreo chi je k'ayim ku' chi xechakun waqib' junab' ku'. Xwiri i katit kimam xkikoj ti retalil chwe xaq xinkiqelo.

JEREMÍAS 30:8

Yin in Ajwal, chi ronojel kintiki che, lik kinb'ij: Kewesaj ni intinimit chwach i k'ax laj chak, xaq ke'on ti chik winaq chi je o pa k'ax kumal aj naj.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 25:14

Ketzaq ni pki'ab' nimaq taq tinimit xaq pki'ab' i ajawinelab' chi lik ko kiwach, keje ni uya'ik utojb'alil ile kin-an pkiwi, pacha kmajaw chke rumal i kimak.”

ÉXODO 22:3

Xwiri we pa'ij kkamsax jun ili'om, i jun chi xkamsawik lik umak uri, xaq lik ajkamsanel. I ili'om lik kutoj ni ronojel ni'pa i rel-am, xwiri we nti umer are ire uri kk'ayixik tojb'al re wach i xrel-aj.

ÉXODO 1:14

xaq lik x-ani k'ax che kik'aslemal chuyijb'axik i xo'ol anb'al xan xaq chu'anik ronojel i jalajuj taq chak pa taq es; ronojel i chak le chi xki'an aj Israel, lik x-il ti tob'al kiwach kumal aj Egipto.

Mateo 18:25

I jun le lik nti keuk'ama wi, tojb'al re uk'as chi u'anom. Rumali, i ajawinel xub'ij chi kk'ayix na, junam ru' i rixoqil, xaq i rak'al, xaq ronojel i ub'itaq re, tojb'al re uk'as.

SEGUNDO LIBRO DE CR%D3NICAS 28:10

Xwi ta la ile, xaq ich'ob'om u'anik itaqon chke aj Jerusalén xaq chke aj Judá. Xwiri ¿Xatab'a ix makunnaq ti yix chwach Iwajwal Dios?

JEREMÍAS 34:8

I Ajwal, xlapan ru' ma Jeremías, chrijil chik u'anik i trat chi xu'an i ajawinel ma Sedequías ku' konojel i winaq aj Jerusalén, re ko'taxik b'i winaq chi je o pa k'ax kumal aj Hebreo.

JEREMÍAS 34:9

I trat kub'ij chi ni'pa i winaq chi je o pa k'ax achiyab' xaq we ixoqib' aj Hebreo, chkiya ni chke chi ke'ek, man keje ile lik mijun uri o taq jun winaq chi o pa k'ax kumal aj Israel.