LEVÍTICO 25:22 - Wuj Pa K'ubultzij

²² Keje ile kitij ni trigo chi ik'olom tz'aqat kitik chik uwach iwulew che uwajxaq junab', xaq i trigo chi ik'olom k'a xqare kix-ono re kitij che ub'elej junab' tz'aqat kuriq ni ij re molonik re i k'ak' tikanik.

LEVÍTICO 25:22 Referans Kwoze

2 Reyes 19:29

Are uri ma Isaías xub'ij che ma Ezequías: Are jun k'utb'al re iri che ronojel ni'pa kuk'ulmaj: Che i junab'i xaq i junab' chi kk'unik, kitij ni trigo chi kalax li utukel, xwiri che urox junab' yix kitik na xaq kimol na, xaq kitik ni i uva xaq kitij ni uwach.

LEVÍTICO 26:10

Lik are ni trigo kitijo chi ax ik'olom wi, xaq kiwesaj ne b'i puk'ijib'al rumal i k'ak' chi kik'ol tan chik.

ISAÍAS 37:30

Are uri ma Isaías xub'ij che ma Ezequías: Are jun k'utb'al re iri che ronojel ni'pa kuk'ulmaj: Che i junab'i xaq i junab' chi kk'unik, kitij ni trigo chi kalax li utukel, xwiri che urox junab', yix kitik na xaq kimol na, xaq kitik ni i uva xaq kitij ni uwach.

LEVÍTICO 25:23

I ulew kk'ayix taj ronojel ij saq uwach: Man i ulew lik we Yin, yix xa ix ik'awel chwach, pacha taq ix ajposar we yin.

ÉXODO 16:5

Xwiri che uwaq ij rajwaxik kkimol kiwa re keb' ij uwach, ronojel kkiyijb'a kanoq re chukab' ij.