LEVÍTICO 25:21 - Wuj Pa K'ubultzij

²¹ Lik mixk'achirik man Yin kinya ni utzil chomal piwi che uwaq junab', lik k'i ni molonik ki'an che i junab' le, lik xqare kix-ono re oxib' junab'.

LEVÍTICO 25:21 Referans Kwoze

Deuteronomio 28:8

I Ajwal kuya ni utzil chomal puwi k'olb'al awixim xaq puwi ronojel wach i ka'ano, saq laj tzij kuya ni utzil chomal puwi i ulew chi kuya Ire chawe yet.

Proverbios 10:22

I utzil chomal re i Dios lik b'eyomal lik nti k'ax kuk'am loq.

2 Corintios 9:10

I ketikanik, are i Dios kyaw ija chke, xaq kuya chke wach i kkitijo. Xaq are i Dios kyaw chiwe yix wach i rajwaxik chiwe; xaq ku'an ni chiwe chi lik arewi o wach i kitijo, man keje ile keito ni i jub'an chik.

Salmos 133:3

Keje pacha uxaq k'aj re i es puwi i jyub' Hermón, chi xaq ketzaq puwi i jyub' Sion. Chila ile kutaq wi b'i utzil chomal i Ajwal re jun k'aslemal chi nti uk'isik.

Deuteronomio 28:3

Lik kya' ni utzil chomal pawi pa tinimit xaq pa taq es,

ÉXODO 16:29

Chikojo pajil chi Yin in Ajwal inb'im chik chiwe chi i ij sábado are jun ij chi kixuxlanik, rumali chi che uwaq ij le keb' ij uwach iwa kinya'o keje ile iwonojel kixkanaj ni ru' ja, mijun kel b'i chiwe pa taq es che uwuq ij —xcha.

GÉNESIS 41:47

Xaq che i wuqub' junab' le lik x-on utz uwach i tikon chwach ronojel ulew Egipto.

GÉNESIS 26:12

I ma Isaac xtikan chila chwach ulew Gerar xaq che i junab' le lik x-on utz i tikon, man i Ajwal lik xuya utzil chomal puwi.

LEVÍTICO 25:4

Xwiri che uwuq junab', i ulew lik kuxlan ni jun junab' kojb'al u'ij i Ajwal; lik mixtikan chwach iwulew che i junab' le xaq michet uwi itikon.

LEVÍTICO 25:6

Man rumal i uxlanem le, i ulew kk'is ti uri ucho'ab' xaq lik o ni kitij yix uri, o ni kkitij imokom, o ni kkitij iwajke'el xaq o ni kkitij aj naj chi je jeqel chixol,

Ezequiel 34:26

Yin ke'inya ni inchij chrij chwach injyub' chi o u'ij, xaq lik kinya ni utzil chomal pkiwi; kintaq na li jab' pkiwi anb'al utz chke are kuriq i ij.

ÉXODO 16:5

Xwiri che uwaq ij rajwaxik kkimol kiwa re keb' ij uwach, ronojel kkiyijb'a kanoq re chukab' ij.