LEVÍTICO 25:10 - Wuj Pa K'ubultzij

¹⁰ Che i junab' lajuj kawinaq (50) kisaqij ni yix chi i junab' le, lik elsam rumal i Ajwal, man are i junab' re i o'tanik. Che i junab' le kisaqij na chi konojel i winaq re i tinimit ke'o'tax na, konojel ketzalij ni ku' kalk'uwal xaq kkanaj chik kulew pki'ab'.

LEVÍTICO 25:10 Referans Kwoze

JEREMÍAS 34:8

I Ajwal, xlapan ru' ma Jeremías, chrijil chik u'anik i trat chi xu'an i ajawinel ma Sedequías ku' konojel i winaq aj Jerusalén, re ko'taxik b'i winaq chi je o pa k'ax kumal aj Hebreo.

ISAÍAS 63:4

Yin xinch'ob'o chi kuriqa ni jun ij kin-an i suk'ul laj atb'al tzij; i ya xuriq i ij chi keinkir intinimit.

1 Pédro 2:16

Yix ix o ti pu'ab' jun chik winaq, man ix rajchak i Dios, xwiri ru' ile mich'ob' taq yix chi utz we ki'an i utz taj.

Gálatas 5:13

Yix, ix wachalal chwach i Cristo, ix sik'tal rumal i Dios elsab'al iwe pu'ab' i ujer atb'al tzij. Xwiri mich'ob' yix we ix o'tam chu'anik ronojel urayijb'al i nojb'al yix; are taj. Are i rumal ix o'tam, are tob'al ni re iwib' chiwach rumal uk'axnab'al ik'ux.

LEVÍTICO 25:13

Che i junab'i re i o'tanik, iwonojel yix kik'am chik iwulew.

ÉXODO 20:2

Yin in Awajwal Dios, chi xatwesaj li pa Egipto, chila ipa at o wi te'eq pa k'ax pu'ab' i rajaw achak.

Gálatas 4:25

I ixoq Agar le xinjunamsaj ru' i trat antal tzam jyub' Sinaí chila pa Arabia, chi wo'or ke'eloq are i Jerusalén. Ike je pacha i rak'al i ixoq Agar chi xa ajtaqon ru' ja, man xaq ike je keje pacha i ajtaqon chi je o pu'ab' i kajaw junam ku' i rak'al.

2 Corintios 3:17

Man i Ajwal are Utewal i Dios. Xaq ipa o wi i Utewal i Ajwal, chila nti chik jun k-anaw k'ax chawe.

Lucas 1:74

Xub'ij chi kojresaj pki'ab' i je ajch'oj chqij, man utz kqaxij ti qib' chu'anik qapatan che ire;

Salmos 146:7

Ku'an atb'al tzij chke ni'pa je o pa k'ax kumal i jub'an chik, xaq kuya kiwa ni'pa kenumik. I Ajwal keukir ni'pa i je o prexil.

ISAÍAS 49:9

re kab'ij chke i je ajprex: “Wo'or utz, kixel b'ik,” xaq re kab'ij chke ni'pa i je o pa equmal: “Chik'utu iwib'.” Chi taq b'e kiriq ni es ke i chikop, xaq xab'i chi jyub'il chi lik tz'inilik o ni es ke ichikop.

Esdras 1:3

Rumali chi xapachin chiwe yix, chi ix utinimit i Ajwal, chixuto ni uri Iwajwal Dios; xaq chixtzalij chik pa Jerusalén chi o pa Judá chuyakik i rachoch i Ajwal, chi ki-Dios aj Israel, chi are Dios chi jeqel pa Jerusalén.

LEVÍTICO 25:11

Che i junab' lajuj kawinaq (50) are ni junab' re i o'tanik chiwe yix; che i junab' le kixtikan taj xaq kimol ti uwach i tikon chi je alaxnaq li kitukel, xaq kimol ti uwach i uva che uche'lal chi kik'upim ti uwi.

LEVÍTICO 25:54

We xelsax ti pu'ab' i rajaw che taq i junab' le, k'ate ko'tax uri che i junab' re i o'tanik junam ku' i rak'al.

Ezequiel 46:17

Xwiri we i aj-ok'al utzam i tinimit kusipaj jub'i' rulew che jun chke i rajchak, xwi kya' ni pu'ab' are kchakun chila, k'a are keuriqa i junab' re i o'tanik, chrijil chik ile k-ax chik pu'ab' i aj-ok'al utzam i tinimit, xaq kkanaj ni pki'ab' i rak'al.

LEVÍTICO 25:41

Te'uri kel chi awachoch junam ku' rak'al man ktzalij chik chwach kulew uqajaw uchuch.

JEREMÍAS 34:10

Konojel ni'pa i je aj-atzil, xaq konojel i tinimit, lik utz xkita wach kub'ij i trat, are uri ike xko'taj b'i kiwinaq chi je o pa k'ax, xaq xki'an ti chik pen chke chi k'a kechakun ku'.