LEVÍTICO 23:41 - Wuj Pa K'ubultzij

⁴¹ Junab' junab' che uwuq ik', ki'an ni jun nima'ij chi kuch'ij wuqub' ij kojb'al u'ij i Ajwal. Ile are jun atb'al tzij chi ronojel ij saq uwach chiwe yix xaq chke imuq ixikin.

LEVÍTICO 23:41 Referans Kwoze

NÚMEROS 29:12

Che i ij jo'lajuj re uwuq ik' yix ki'an ni jun lo'laj moloj ib'. Che i ij le lik mijun kchakunik; xaq lik wuqub' ij ki'an ni nima'ij re kojb'al in-ij.

NEHEMÍAS 8:18

Wuqub' ij xkich'ij chu'anik i nima'ij chi o u'ij; che i nab'e ij xaq k'a che i k'isb'al ij, i ma Esdras ij ij krajlaj jutaq b'i' che i wuj re i u'atb'al tzij i Dios; che uwajxaq ij xki'an jun molom ib' chi lik o u'ij chkiwach ike, kojb'al u'ij i Dios, chrij pacha i anik re i tinimit.

LEVÍTICO 23:40

Che i nab'e ij kich'up ni uwach i chomiq taq che', uxaq i palma, uxaq che' chi lik rojrik, xaq uxaq so'os chi o chi taq ya; wuqub' ij kixkikot ni chwach Iwajwal Dios.

LEVÍTICO 23:42

Che ronojel i wuqub' ij le, iwonojel yix chi ix aj Israel chiwalaxik lik kixk'iji ni chuxe' i mujb'al re es le.

LEVÍTICO 23:14

Kitij ti tan wa re trigo, kitij ti tan trigo k'ilim xaq kitij ti tan raxil, k'a kisujuj ni isipon te'uri utz kitijo. Ile are jun atb'al tzij chi lik ronojel ij saq uwach chiwe yix xaq chke imuq ixikin, nti k-ono xaipa ix jeqel wi.