LEVÍTICO 23:39 - Wuj Pa K'ubultzij

³⁹ Che i jo'lajuj ij re uwuq ik' are imolom chik uwach i tikon, ki'an ni jun nima'ij chi wuqub' ij kuch'ijo kojb'al u'ij i Ajwal, kixuxlan ni jun ij che i nab'e ij xaq kixuxlan chik jun ij che uwajxaq ij.

LEVÍTICO 23:39 Referans Kwoze

ÉXODO 23:16

I nima'ij re i molonik k-ani na are k-an i nab'e molonik. Xaq keje ile k-ani che i nima'ij re i molonik pa taq k'isb'al junab' are kutzin i molonik ronojel.

Deuteronomio 16:13

Are kutzin i molonik re i trigo xaq uyitz'ik uwa'al i uva, are uri ki'an ni jun nima'ij re mujb'al re es chi wuqub' ij kuch'ijo.

LEVÍTICO 23:34

Chab'ij i tziji chke aj Israel: Che jo'lajuj ij re uwuq ik', xaq che ronojel i wuqub' ij le k-ani ni nima'ij re i mujb'al re es, re kojb'al u'ij i Ajwal.

LEVÍTICO 23:36

Che ronojel i wuqub' ij le kiporoj ni sipon kojb'al u'ij i Ajwal, xaq che uwajxaq ij ki'an jun lo'laj moloj ib' chi xaq kiporoj ni jun sipon chwach i Ajwal. Man ile lik are jun nim laj ij, rumali mi'an taq jun chak.

LEVÍTICO 23:24

Chab'ij chke aj Israel: Che i nab'e ij re uwuq ik' ki'an ni jun nima'ij re i uxlanb'al ij xaq jun lo'laj moloj ib' re kuxtab'al, chi kxut'ix i trompeta ru' xaq re kojb'al u'ij i Ajwal

LEVÍTICO 23:38

Junwi chi ij re i uxlanb'al ij chi kojb'al u'ij i Ajwal, junwi chi ij ksujux i sipon chi ax isujum wi xaq junwi chi ij ksujux i sipon chi lik pik'ux kpe wi chi kisipaj.

LEVÍTICO 23:40

Che i nab'e ij kich'up ni uwach i chomiq taq che', uxaq i palma, uxaq che' chi lik rojrik, xaq uxaq so'os chi o chi taq ya; wuqub' ij kixkikot ni chwach Iwajwal Dios.