LEVÍTICO 17:13 - Wuj Pa K'ubultzij

¹³ Xapachin jun chke aj Israel xaq we aj naj chi jeqel chixol yix we kukamsaj jun chikop xaq we jun tz'ikin chi utz ktijawik, ile kmuq uwi i kik' le ru' ulew.

LEVÍTICO 17:13 Referans Kwoze

Deuteronomio 12:16

Xwiri mitu' i kik', chitixa b'i chwach ulew pacha ki'an che i ya.

Ezequiel 24:7

I tinimit nojnaq che i kik' jamtalik; i kik' le jamtal ti chwach i ulew xa puwi i ab'aj jamtal wi, rumali kch'uqtaj ti uwi ru' uk'aj ulew.

Deuteronomio 15:23

Xwiri lik matij ukik'el, chatixa b'i pulew pacha k-ani che i ya.

Deuteronomio 12:24

Are mer rajwaxik ki'ano: Chitixa b'i kik' chwach ulew pacha ki'an che i ya.

LEVÍTICO 7:26

Xaipa kixjeqi wi yix lik mitij uri i kik' re jun tz'ikin xaq we re jun chik chikop.

Job 16:18

I mak chi ab'tal chwij le, kutz'onoj atb'al tzij; ¡Ulew, mamuq uwi insik'inik chwach i Dios!

LEVÍTICO 17:12

Rumali kinb'ij chke aj Israel: Mijun chiwe yix xaq mijun chke i je aj naj chi je o chixol yix, kkitij taq i kik' chi o che i ti'ij.

Proverbios 6:26

Man ixoq chi chwach uch'akul kuch'ak wi umer, ku'an ile xa rumal ch'akb'al ch'aqap uwa, xwiri ixoq chi kumin rib' ru' jun chik achi xa are kraj utzaqsaxik.