Lamentaciones 1:10 - Wuj Pa K'ubultzij

¹⁰ I ajch'oj lik u'anom re che i b'eyomal pa tinimit Jerusalén. I tinimit lik xeril i winaq chi kkikoj ki'ij i jub'an chik dios, lik ko kiwach xe'ok b'i pa lo'laj k'ijib'al re i Ajwal, ¡Ajwal, yet xab'ij chi kawaj taj chi ke'ok b'i winaq le pa wachoch re molb'al ib'!

Lamentaciones 1:10 Referans Kwoze

Deuteronomio 23:3

I aj Amón xaq aj Moab lik kya' ti chke ke'ok pa ja re i molb'al ib' re i Ajwal xaq kya' ti chke ulajuj umuq uxikin.

JEREMÍAS 51:51

Yix kib'ij: “Kqana i k'ixb'alil are kqata wach i utz ti laj taq tzij chi kkib'ij chqij. I uqajsaxik qa'ij k-aljin che i qapalaj, man i winaq aj naj je oknaq chupam i k'ijib'al chi lik ch'am prachoch i Dios.”

Lamentaciones 1:7

I tinimit Jerusalén kk'un chuk'ux i ij re ujer, are xkanaj kan utukel xaq lik pa b'is; lik kk'un chuk'ux ronojel ub'eyomal chi o te'eq ru' ujer; kk'un chuk'ux are xtzaq pu'ab' i ajch'oj chrij, are lik mijun xk'un chuto'ik, xaq are x-il kumal i ajch'oj chrij, lik xa xkitze'ej utzaqik pa k'ax.

NEHEMÍAS 13:1

Che taq i ij le, x-ajlax uwach uwuj ma Moisés chkiwach konojel i winaq; xaq chupam i wuj le tz'ib'talik chi aj Amón xaq aj Moab lik kmajaw ti chke chi ke'on utinimit i Dios.

Marcos 13:14

I profeta, mam Daniel, utz'ib'am kanoq wach uk'unik: Xub'ij ire chi koksax ni jun tzel laj qajsab'al re u'ij i rachoch i Dios che i k'ijib'al chi kmajaw ti che. Are kiwil yix ile tak'al chila, ni'pa i je o pa jyub' Judea, che'anmaj uri chwa taq jyub'. Ni'pa i kkajlaj i tziji, chkita usuk'.

Ezequiel 44:7

Yix kiqajsaj u'ij wachoch chi kiya okik chke i winaq aj naj, winaq chi nti retalil intrat ku' pkijolom xaq pkich'akul; kkiqajsaj in-ij man kkisujuj taq ti'b'alil re xepu xaq re kik' chwe chi re ksujux re sipon xaq keje ile kkiqel intrat ru' ni'pa taq anik chi ch'am taj kki'an pkik'aslemal.

Ezequiel 9:7

Te'uri xub'ij chik chke: “Jix prachoch i Ajwal chiqajsaj u'ij, chinojsaj uwaja i rachoch i Ajwal chke i kamnaq.” Ike xe'el b'ik xe'ok chkikamsaxik i winaq pa tinimit.

Ezequiel 7:22

Yin kinjek' ni wib' che i tinimiti xaq kinya ni chke chi kkiqajsaj u'ij i wachoch, chi lik are te'eq inb'eyomal. Kek'un ni i utz ti laj taq winaq i kkiqajsaj ni u'ij.

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 20:5

Ronojel ni'pa i b'eyomal re i nim laj tinimit le xaq kinjach ni pki'ab' ajch'oj chkij, ronojel ni'pa i kulew xaq i b'iroxik chi o u'ij, xaq ronojel ni'pa i b'iroxik nim u'ij ke i ajawinelab' aj Judá, re kkik'am b'i pa Babilonia.

JEREMÍAS 15:13

Israel, rumal ronojel amak, kinjach ronojel ab'eyomal chke i ajch'oj chawij. Ronojel ni'pa o chwach awulew lik to' keje ile kkik'am nu b'ik.

ISAÍAS 63:18

¡Lik k'iyal ti ij i lo'laj atinimit x-on rajaw che i nim laj tinimit! Man i je ajch'oj chqij xkiya'ya awachoch.

JEREMÍAS 50:28

I winaq chi xe'anmaj li pa Babilonia xeupon k'a pa Sion xaq kkilapo wach x-on i Ajwal, chi qa-Dios, chi xuya utojb'alil che i tinimit Babilonia, chi lik kmajaw che rumal i xu'an che i rachoch i Ajwal.

Deuteronomio 23:4

Man are xixik'aw yix chupam i kulew are petik iwe chila pa Egipto, ike xkiya ti iwa xaq xkiya ti iya', xwi ta la ile, xaq xkitoj ma Balaam, chi uk'ojol ma Beor, chi aj Petor re i Mesopotamia man kutzijoj ni jun k'oqb'al chiwij yix.

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.

JEREMÍAS 27:19

I ma Nabucodonosor, ajawinel re i Babilonia, xuk'am b'i ma Jeconías pa Jerusalén, chi uk'ojol ma Joacim, ajawinel re i tinimit Judá, are xtaq b'i pa Babilonia junam ku' i winaq chi nimaq ki'ij re i tinimit Judá xaq i Jerusalén, xuk'am tu b'i raqan ja xaq i nimaq taq k'olb'al ya chi antal ru' i anch'ich', xaq i ukub'ib'al i ja xaq i jalajuj taq chapb'al chila prachoch i Ajwal xaq chrij i jub'an chapb'al chi k'a o chi pa tinimit. I Ajwal chi ronojel ktiki che, chi ki-Dios aj Israel, keje iri kub'ij chrij i chapb'al chi yatal kan prachoch i Ajwal, xaq i jub'an chik chi yatal kan pa nim laj rachoch i ajawinel aj pa Judá xaq i Jerusalén: