Jueces 9:54 - Wuj Pa K'ubultzij

⁵⁴ Are uri ma Abimelec juntir xsik'in pan che i tol re, xub'ij che: Chawesaj li ach'ich' su' chinakamsaj, man kwaj taj chi kb'ixik jun ixoq xinkamsawik. Are uri i ajtol re xumin b'i uch'ich' che upam, xel k'a chel rij, keje ukamik ile.

Jueces 9:54 Referans Kwoze

Jueces 9:55

I aj Israel are xkilo chi ma Abimelec xkamik, xetzalij b'i chi kachoch.

1 Samuel 14:7

Are uri xub'ij i tol re: —Cha'ana ronojel ni'pa kach'ob' u'anik man yin in o chi chato'ik che ronojel ni'pa i ka'ano.

1 Samuel 14:12

Are uri xesik'in che ma Jonatán xaq che i tol re: —¡Chixel li qu' ipa oj o wi, man kqalap jun tzij chiwe! Are uri ma Jonatán xub'ij che i tol re: —Chatterej b'i chwij man i Ajwal keujach aj Filistea pki'ab' aj Israel —xcha.

1 Samuel 14:13

Are uri ma Jonatán kchakanik xel b'ik xaq teren b'i tol re chrij. Konojel i winaq chi keuqajsaj li ma Jonatán, i tol re le kuk'is kikamsaxik.

1 Samuel 14:14

Che i nab'e ch'oj le, i ma Jonatán xaq i tol re xekikamsaj kolo juwinaq achiyab' xa jub'i' neri xeb'in panoq.

1 Samuel 14:17

Are uri ma Saúl xub'ij chke i achiyab' chi je yij che i ch'oj chi je o ru': —Chiwik'awsaj b'iyaj man keje ile kqetamaj we oj o qonojel. Are xeutzin chrik'awsaxik b'iyaj are uri xkinab'ej chi nti ma Jonatán ku' xaq i tol re.

1 Samuel 16:21

Keje uri ile chi a David xupon chwach ma Saúl xaq xkanaj kan chu'anik upatan chrij, lik k'ax xna' rumal ma Saúl xaq xch'ik rij chi tol re.

1 Samuel 31:6

Keje kikamik ma Saúl ile che taq i ij le, xkam ire, xekam oxib' uk'ojol, xkam i ajtol re xaq xekam konojel uwinaq.

2 Samuel 1:10

Are uri xintejeb' pan ru' su' xinkamsaj man xwilo chi lik kk'asi ti chik, man lik nti chik ucho'ab' xaq kwalij ti chik. Are uri xwesaj i koron chi o che ujolom xaq i wiqb'al uqul u'ab', xink'am li chawe, nim laj winaq.

2 Samuel 23:37

ma Selec, aj Amón; ma Naharai, aj Beerot, chi ajtonel re ma Joab, chi ralab' ati Sarvia;

PRIMER LIBRO DE CR%D3NICAS 10:4

Rumali ma Saúl xub'ij che i tol re: “Chawesaj li ach'ich' chi o uware k'ulala, chajila b'i che inpam, man keje ile i je aj-anol i utz taj le ketzen ti chinkamsaxik.” Xwiri i tol re le xraj ti ukamsaxik, man lik kuxij rib' chu'anik. Are uri ma Saúl xuk'am pan uch'ich' chi o uware k'ulala, te'uri xujupij rib' puwi.

PRIMER LIBRO DE CR%D3NICAS 10:5

I tol re ma Saúl are xrilo chi ma Saúl xukamsaj rib', xaq keje xu'an ire, xujupij rib' puwi uch'ich', are uri xkamik.

PRIMER LIBRO DE CR%D3NICAS 11:39

ma Selec, chi aj Amón; ma Naharai, chi aj Beerot, chi kk'amaw b'i i jalajuj taq anb'al ch'oj re ma Joab, chi ralab' ati Sarvia;

Jueces 4:9

Ati Débora xub'ij che: —Kin-e awu' xwiri ronojel ni'pa i ch'akanik le koksax ti a'ij yet ru', man i Ajwal kujach ma Sísara pu'ab' jun ixoq. Are uri ati Débora x-e ru' ma Barac k'a pa Cedes.

2 Samuel 1:7

Are uri ire le xtzun chrij, xinrilo xaq xinusik'ij. Are uri yin juntir xin-ek,

2 Samuel 1:9

Are uri xub'ij chwe chi kintejeb' pan ru' man su' kinkamsaj, man lik to' kjek'awik xaq kkam taj.