Jueces 9:43 - Wuj Pa K'ubultzij

⁴³ xu'an oxib' tzob'aj chke uwinaq chi je yij che i ch'oj, te'uri xe'e chkuwaxik kib' pa taq es. Are xkilo chi xe'el li aj Siquem pa tinimit, are uri i ma Abimelec le junam ku' uwinaq xe'el li chila ipa kuwam wi kib', xe'e chu'anik ch'oj chkij.

Jueces 9:43 Referans Kwoze

Jueces 9:42

Chukab' ij i winaq aj Siquem xe'el b'i pa tinimit, xe'e pa taq es; are xretamaj ma Abimelec,

Jueces 9:44

Ma Abimelec xaq jun chke utzob'ajil xe'e chila pa okb'al che i tinimit Siquem, tz'aqat i keb' chik tzob'aj xe'e chkij i winaq chi je enaq pa taq es, konojel xekikamsaj.

1 Samuel 11:11

Chukab' ij ma Saúl xumol kichi' achiyab' chi je yij che i ch'oj, xu'an oxib' tzob'aj chke, are k'amaja ksaqirik xe'ok b'i pkitinimit aj Amón, are uri xe'ok chkikamsaxik i winaq, i kamsanik le xuch'ij mer ij. I winaq chi xek'asi kanoq xkikichersaj b'i kib', mijun chke xkanaj taq kan ru' jun rachi'il.

2 Samuel 18:2

Chrijil chik ile i ma David xu'an oxib' tzob'aj chke achiyab' chi je yij che i ch'oj; i nab'e tzob'aj xuya ma Joab pa atzil pkiwi; ukab' tzob'aj xuya ma Abisai pa atzil pkiwi, chi ralab' ati Sarvia, chi xaq ucha' ma Joab; i urox tzob'aj xuya ma Itai pa atzil pkiwi, chi aj Gat. Are uri ma David chi ajawinel xub'ij chke konojel achiyab' chi je yij che i ch'oj: —Are kix-e pa ch'oj, kin-e yin iwu'.