Jueces 8:26 - Wuj Pa K'ubultzij

²⁶ Kolo kawinaq (40) pexu ralil ronojel i b'aq chi an-o'oj, xok ti uri pajil ronojel ni'pa i jub'an chik wiqb'al rib' jun winaq, xaq xoksax ti pajil i k'ul kaqkoj chi ki'u' i ajawinelab', xaq xoksax ti pajil i ketz'b'alil kiqul i kamey.

Jueces 8:26 Referans Kwoze

Apocalipsis 18:16

i kkib'ij na: “¡Ay, to' uwach i nim laj tinimit! Ile, pacha te'eq jun ixoq chom u'u' lik paqalik; lik kaq ktzunik, xaq kaqxar ktzunik. Lik uwiqom rib' ru' an-o'oj, ru' perla xaq ru' chomiq taq ab'aj chi lik paqal rajil.

Apocalipsis 18:12

Chi are i an-o'oj, i saq-o'oj, i uwaj chi lik chom paqalik, xaq i chomiq taq b'aq, xaq i k'ul lino chi lik chom paqalik, i k'ul re seda chi kaqxar i kaq utzunb'al; xaq nti chik klo'ow i che' chom chi lik muy chi paqal rajil, nti chik klo'ow i chomiq taq b'iroxik chi antal che i marfil, antal che i chomiq taq che', antal che i anch'ich', antal che i ch'ich', xaq che i saqcho'.

Juan 19:5

Are uri xel li Jesús chkiwach i winaq, kojtal li koron re k'ix che ujolom xaq kojtal li u'u' chrij chi akoj i naj raqan. I ma Pilato xub'ij chke: —¡B'ay, riy i achi ri!

Juan 19:2

I achiyab', chi je yij che i ch'oj, xkiyijb'a jun koron re k'ix, xkikoj che ujolom i Jesús xaq xkikoj jun u'u' naj raqan akoj.

JEREMÍAS 10:9

I kitiox lik xa saq-o'oj chi k'amtal li pa Tarsis, xaq i an-o'oj k'amtal li pa Ufaz, b'iroxik chi antal kumal i aj-anol taq k'exwach tak'taq, xaq i aj-anol chomiq taq ab'aj re wiqb'al ib', chi xaq kojtal ki'u' kaqxar xaq kaq ktzunik, ronojel ile lik antal kumal i winaq chi keta'am u'anik.

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

Apocalipsis 17:4

I ixoq le lik uwiqom rib' ru' u'u' chi k'iyal taq utzunb'al, o i kaq che; xaq o i kaqkoj che pacha kaqxar. Xaq lik uwiqom rib' ru' b'iroxik chi an-o'oj, chomiq taq ab'aj xaq i perla. Xaq o jun tu'b'al pu'ab', lik an-o'oj. Xwiri i tu'b'al le, nojnaq che i utz taj, xaq che i ch'am taj chi petnaq che uch'akik umer chwach uch'akul.

Ezequiel 27:7

I ariprik k'ul t'istal ru' lino re Egipto, kajwax chawe re k'ul chi kuk'ut u'ij jun tzob'aj; i ch'uqb'al awi antal che i k'ul kaqxar xaq i kaq k'amtal li che i tinimit chuchi' i mar Elisa.

Lucas 16:19

O jun achi b'eyom, chi lik chom u'u' kukojo xaq lik paqal rajil, ij ij lik o nima'ij chi rachoch chi lik chom. Xaq lik paqal rajil i ti'b'alil chi kuya'o

Jueces 8:21

Are uri ma Zeba xaq ma Zalmuna xkib'ij che ma Gedeón: —Chojakamsaj yet man jun achi ketamax uwach rumal ukowil uwach. Are uri ma Gedeón xwalijik i xeukamsaj xaq xuk'am li wiqb'al chi o pkiqul kikamey ma Zeba xaq ma Zalmuna.

Jueces 8:25

Are uri aj Israel xkilik' jun k'ul pulew xkiya ronojel ni'pa i b'aq re uwi ab'aj chwach, chi kimajom chke aj Madián; are uri xkib'ij che ma Gedeón: —Riy oliki.

Jueces 8:27

Ru' i an-o'oj le ma Gedeón xu'an jun efod xuya chila pa Ofra chi utinimit ire, xwiri konojel i winaq aj Israel xko'taj ukojik u'ij i Ajwal rumal i efod chi xu'an ire. Xaq ile xe'eloq pacha jun tzaqsab'al che ma Gedeón xaq chke i je ralk'uwal.

Proverbios 31:22

Are ire k-anaw i ch'uqb'al uwi i ch'at chi b'uyuy, xaq lik kuwiq rib' ru' chomiq taq k'ul chi lik paqal rajil.

ISAÍAS 3:18

Che taq i ij le, i Ajwal kusachsaj ni uwach ronojel i etz'b'alil: Retz'b'alil aqanij, retz'b'alil jolomaj xaq sotsik ch'ich' re uqul ab'aj,