Jueces 7:3 - Wuj Pa K'ubultzij

³ Rumali chab'ija chke konojel i winaq chi we o jun kuxij rib' su' oj chi rachoch.” Keje uri ile chi ma Gedeón xuk'am kipam, xetzalij b'i jo'lajujmo' kachiy (22,000) achiyab' chi kachoch, xa jo'mo' juchiy (10,000) xekanaj kan ru' ire pa ch'oj.

Jueces 7:3 Referans Kwoze

Deuteronomio 20:8

Te'uri i aj-atzil kkib'ij chik chke achiyab' chi je yij che i ch'oj: We o jun chiwe yix kuxij rib' xaq nti ukowil uk'ux, su' oj uri chi rachoch man keje ile keritzij ti rachi'il.

Apocalipsis 17:14

Ike kki'an ni ch'oj chrij i jun chi Ral Chij kb'ix che. Xwiri ire, junam ku' i je teren chrij, ketiki ni chke, man ire are i nim laj Ajawinel pkiwi konojel i ajawinelab', ni'pa i je teren chrij ire je chatalik xaq je sik'tal rumal i Dios; ike kko'taj taj.

Apocalipsis 21:8

Xwiri, ni'pa i kkixij kib' che i terejik chwij yin, ike ke'e pa a' chi kjuluwik pacha uwi mar kjuluw rumal asufra. Xaq chila ke'e wi jub'an chi kikojom ti intzij; xaq keje jub'an chi utz ti u'anom kik'aslemal; xaq keje i jub'an chi ki'anom i kamik; xaq keje jub'an chi kki'an i ch'am taj ru' kich'akul, xaq keje jub'an chi kki'an i itz; xaq keje jub'an chi kkikoj u'ij i kitiox chi xaril antalik; xaq konojel i je ajt'oronel. Is ke'e pa a' chi kjuluwik pacha uwi i mar kjuluwik rumal i asufra. Ile are ukab' kamik. Keje xub'ij i jun ile chwe, chi kul pa chom laj kub'ib'al.

Mateo 20:16

Are ke'el uri, ni'pa i je o pa k'isb'al re, are kenab'ej na, i je nab'e wo'or, je are kekanaj kan pa k'isb'al re.

Mateo 13:21

Xwiri, je pacha jun tikon chi naj taj enaq wi i ra'; kenajtin taj. Are kpe i k'ax pkiwi rumal i utz laj tzij chi kikojom, xaq kpe i kiyo'yaxik kumal i winaq, xa ksach ukub'ib'al kik'ux rumali kko'taj kan utz laj tzij.

Jueces 6:35

xwi ta la ile, xaq xeutaq b'i jub'an winaq chkisik'ixik konojel utzob'ajil ma Manasés chi kkiya kiwach ru'. Xaq xutaq kisik'ixik utzob'ajil ma Aser, ma Zabulón xaq konojel utzob'ajil ma Neftalí chi xaq kkiya kiwach ru'.