Jueces 7:23 - Wuj Pa K'ubultzij

²³ Are uri xkisik'ij aj Israel chi je utzob'ajil ma Neftalí, je utzob'ajil ma Aser xaq utzob'ajil ma Manasés, man keterej b'i chkij aj Madián.

Jueces 7:23 Referans Kwoze

Jueces 6:35

xwi ta la ile, xaq xeutaq b'i jub'an winaq chkisik'ixik konojel utzob'ajil ma Manasés chi kkiya kiwach ru'. Xaq xutaq kisik'ixik utzob'ajil ma Aser, ma Zabulón xaq konojel utzob'ajil ma Neftalí chi xaq kkiya kiwach ru'.

GÉNESIS 36:35

Are xkam ma Husam, xkanaj ma Hadad puk'exel chu'atik tzij; ma Hadad le uk'ojol ma Bedad, chi xtiki chuch'akik ma Madián che i ch'oj chila che ulew Moab, ub'i utinimit le Avit.

LEVÍTICO 26:7

Yix kiwoqtaj nu b'i i je ajch'oj chiwij xaq kixtiki ni chkikamsaxik ru' ch'ich'.

1 Reyes 20:20

Chkijujunal alab'om le, xkikamsaj jun ajch'oj chkij, are uri konojel aj Siria xe'anmajik. I aj Israel xeterej b'i chkij; xwiri ma Ben-adad, chi ajawinel aj Siria, x-anmajik, x-an b'i chrij ukaway junam ku' jub'an achiyab' chi je ajrij taq kaway xe'ek.

1 Reyes 20:21

Are uri i ajawinel ke aj Israel xterejik i xeumaja pa taq b'e, are uri xumaj i kikaway chke xaq kich'ich' re anb'al ch'oj, xaq xeukamsaj k'i chke aj Siria.