Jueces 7:22 - Wuj Pa K'ubultzij

²² Tz'aqat i je jo'lajujwinaq (300) aj Israel kkimayij ti uxut'ixik i rok'a' chij, i Ajwal xu'an chke aj Madián chi xki'an ch'oj chkiwach xaq xe'anmaj b'i k'a Bet-sita chi o chila pa b'e Zerera, k'a kupon chila chuchi' ulew Abel-mehola, chi o chila chunaqaj che i Tabat.

Jueces 7:22 Referans Kwoze

1 Reyes 4:12

ma Baana, chi uk'ojol ma Ahilud, are ajtaqanel puwi tinimit Taanac, puwi i tinimit Meguido xaq puwi ronojel ulew Bet-seán chi o chuk'ulel i tinimit Saretán, chi o rekem i tinimit Jezreel, kjeqan b'i che i tinimit Bet-seán k'a chila che i tinimit Abel-mehola, lik k'a jela che i tinimit Jocmeam;

SEGUNDO LIBRO DE CR%D3NICAS 20:23

Man aj Amón xaq aj Moab xki'an ch'oj chkij aj chwi taq jyub' Seir i lik xkichup kiwach konojel; chrijil chik ile xkikamsaj kib' ike chkiwach.

1 Reyes 19:16

ma Jehú, chi ri umam ma Nimsi, chaya pa ajawinel puwi i tinimit Israel; ma Eliseo, chi uk'ojol ma Safat, chi aj pa tinimit Abel-mehola, chaya kan upatan re profeta pak'exel yet.

JOSUÉ 6:20

Are uri i je ajsujul sipon ko xkixut'ij i rok'a' chij chi antal trompet che, are xkita i aj Israel xaq ike ko xesik'inik pacha b'ital chke rumal ma Josué, are uri xwulij li tapial nim uwach re itinimit. I aj Israel juntir xe'ok b'i pa tinimit i xki'an ke che.

ISAÍAS 19:2

“Ire kub'ij: Kin-an ni chke aj Egipto chi kkijach kiwach xaq kki'an ch'oj chkiwach, chkiwach je amiy, chkiwach je tinimit xaq chkiwach je aj-atol tzij.

ISAÍAS 9:4

Man yet xawesaj i taqanik chi k-an te'eq chke i winaq anb'al k'ax chke, u'anik i k'ax chi lik keukoj te'eq il, chi je o te'eq pu'ab' i taqanik. Pacha are xawulijsaj i tinimit Madián.

Salmos 83:9

Cha'ana chke ike pacha xa'an che ma Madián, pacha xa'an che ma Sísara, xaq che ma Jabín chila chi raqana Cisón,

JOSUÉ 6:16

Are je o che uwuq b'inik, i ajsujul sipon ko xkixut'ij i rok'a' chij lik x-e uqul xki'an che, are uri ma Josué xub'ij chke i winaq: ¡Chixsik'inoq! Man i Ajwal ujachom chik i tinimit pi'ab'.

JOSUÉ 6:4

Je wuqub' ajsujul sipon kkik'am nu b'i jujun rok'a' chij chi antal trompet che, kenab'ej nu b'i chwach i kaxa re utrat i Ajwal. Che i uwuq ij lik keb'in ni wuqmul chrij i tinimit Jericó, tz'aqat i ajsujul sipon kkixut'ij i rok'a' chij chi antal trompet che.

2 Corintios 4:7

I uchomal i Dios le, keje pacha i b'iroxik chi paqal rajil i k'oltalik, xaq yoj oj k'olb'al re ile; xwiri xa oj keje pacha i b'oj chi antal che i xo'ol, chi ko taj. Keje u'anom i Dios ile chqe aljinsab'al re chi ru' Ire kpe wi i qacho'ab', qu' ti yoj kpe wi.

1 Samuel 18:19

Xwiri are xuriqa i ij chi ma Saúl kuya umi'al che a David re rixoqil, chi al Merab, che ti a David xuya wi, xa che a Adriel xuya wi, chi aj Mehola.

Ezequiel 38:21

Yin kin-an ni che i ma Gog chi kpe ronojel taq k'ax puwi chi lik kuxij rib' che. Kinya ni utojb'alil che ru' k'iyal taq yob'il xaq b'isb'al laj kamik. Kin-an na chi ketzaq puwi ire, pkiwi uwinaq chi je yij che i ch'oj xaq pkiwi uk'iyal taq tinimit chi je rachi'ilam, nimaq taq jab' tew upam, saqb'ach, a' xaq i asufra, i uwinaq kki'an ni ch'oj chkiwach ru' i ch'ich' chi k'ulala o uware. Yin in Ajwal, kinb'ij.

Habacuc 3:14

Lik ru' uch'ab' i aj-atzil xakamsaj, i achiyab' chi je ajrij taq kaway lik je keje pacha jun nim laj jab' tew upam, kejuk'uk'ik xkik'aq li kib' jachb'al re kixol i jub'an chi nti kich'ojb'al kamsab'al ke ani'al.

Hageo 2:22

kinsachsaj ni uwach kicho'ab' i ajawinik chwach i jyub' ta'aj xaq kinwulijsaj ni ronojel i kub'ib'al chi o u'ij; keinb'alk'atij nu b'i ch'ich' re i ch'oj xaq i je o chupam, xaq kekam ni kaway xaq i winaq chi je annaq chkij; i chkijujunal kekam ni rumal i ch'ich' chi k'ulala o uware ke i katz kicha'.

ISAÍAS 9:3

Ajwal, lik xak'am li jun nim laj kikotemal, lik nim i kikotemal le. Konojel kekikot chawach Yet pacha taq u'ijlal i molonik, pacha kkikotemal i winaq chi kkijach i nimaq taq b'eyomal chkiwach.

ZACARÍAS 14:13

Che i ij le i Ajwal lik kuya ni xib'rikil chke. Chkijujunal kkichap ni che u'ab' jun kachi'il, i kki'an ni ch'oj chkiwach.