Jueces 7:18 - Wuj Pa K'ubultzij

¹⁸ Yin xaq i jub'an chi je wachi'il are kqaxut'ij i rok'a' chij, xaq chixut'ij iwe yix chrij chwach i k'ijib'al ipa je o wi ajch'oj, xaq kixsik'in chub'ixkil i tziji: “¡Rumal utaqanik i Ajwal xaq rumal utaqanik ma Gedeón!”

Jueces 7:18 Referans Kwoze

1 Samuel 17:47

Konojel ni'pa kimolom kib' warali, kketamaj na chi i Ajwal kojuto ti ru' jabalina, ru' ti che' ch'ich' utzam xaq ru' ti ch'ich' chi o uware k'ulala. I ch'oji re i Ajwal, are ire kixjachaw ni pqa'ab'.

Jueces 7:17

Are uri ma Gedeón xub'ij chke: —Are kinupon pkitzal ajch'oj chqij, chikojo retalil wach kin-ano xaq keje ile chi'ana yix.

Jueces 7:19

Keje uri ile chi ma Gedeón xaq i je jo'winaq (100) ajch'oj chi je o ru' xeupon chila ipa kimolom wi kib' aj Madián, che i or le ketijin aj Madián chujalik kib' che i kichak re tik'il a'ab'. Are uri konojel uwinaq ma Gedeón xkixut'ij i rok'a' chij xaq xkipaxij i xar chi kik'amom b'ik.