Jueces 7:14 - Wuj Pa K'ubultzij

¹⁴ Are uri i rachi'il xub'ij che: —Ile to' ti jun b'iroxik lik are uch'ich' ma Gedeón, chi uk'ojol ma Joás, chi aj Israel. I Dios keujach aj Madián xaq konojel uwinaq chi je yij che i ch'oj pu'ab' ma Gedeón.

Jueces 7:14 Referans Kwoze

JOSUÉ 2:9

—Weta'am chi Ajwal uya'om ulewi chiwe, man Ire u'anom chqe chi kqaxij qib' chiwe yix, konojel i winaq re i tinimit lik to' ketzaq chik pulew rumal kixib'rikil.

Job 1:10

Yet lik kaya taj we o jun kyinaw ire, ralk'uwal xaq i ub'itaq re; Yet lik kaya utzil chomal puwi che ronojel ni'pa i ku'ano, xaq lik xwi ire b'eyom laj achi pa nim laj tinimit, man o k'iyal taq uchikop chkiwach i jub'an chik winaq.

JOSUÉ 5:1

Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.

JOSUÉ 2:24

xaq xkib'ij che: I Ajwal ujachom i tinimit pqa'ab' man konojel i winaq lik ketzaq chik pulew rumal kixib'rikil chqe. Xecha.

NÚMEROS 23:20

Yin yatal pin-ab' chi kinya ni utzil chomal, we are i Dios kyaw utzil chomal, yin kintiki ti chujalwachixik.

NÚMEROS 23:5

Are uri i Ajwal xuya i tzij puchi' ma Balaam chi rajwaxik kub'ij, xaq xub'ij che: —Chattzalij chik chila ipa o wi ma Balac, chab'ij ronojel i tzij che pacha xinb'ij Yin chawe yet.

NÚMEROS 22:38

Ma Balaam xub'ij che ma Balac: —In o chik chi awu', ya xink'un chawilik. Xwiri yin, nti pin-ab' we to' kinb'ij taq i tzij pacha kinch'ob' yin, lik xwi kinb'ij pacha kub'ij i Dios chwe.

Jueces 7:13

I ma Gedeón are xtejeb' chila ipa kimolom wi kib' ajch'oj chrij, xuta chi jun ajch'oj xub'ij che i rachi'il wach xrachik'aj. Keje iri xub'ij che: —Xwachik'aj chi jun wa re cebada ksururik petnaq ipa qamolom wi qib' yoj, xuxa'a rib' che jun ja, xuwulijsaj li pulew.

Jueces 7:15

I ma Gedeón are xuta i achik' le chi klapik xaq wach taq usuk' ke'eloq, xukoj u'ij i Ajwal. Chrijil chik ile xtzalij li ipa je o wi aj Israel, xub'ij chke: —¡Chixwalijoq man i Ajwal keujach aj Madián pqa'ab'!

Jueces 3:28

Ma Aod xub'ij chke chi cheterej b'i chrij man i Ajwal kuya ni ch'akanik chke pkiwi konojel ajch'oj chkij chi aj Moab. Are uri xeterej b'i chrij ma Aod, xkitzukuj ni'pa axb'al chi o chi taq ya Jordán, xkichajij, rumali mijun winaq xkiya che chi xik'awik.

1 Samuel 14:12

Are uri xesik'in che ma Jonatán xaq che i tol re: —¡Chixel li qu' ipa oj o wi, man kqalap jun tzij chiwe! Are uri ma Jonatán xub'ij che i tol re: —Chatterej b'i chwij man i Ajwal keujach aj Filistea pki'ab' aj Israel —xcha.