Jueces 6:39 - Wuj Pa K'ubultzij

³⁹ Xwiri ma Gedeón xub'ij chik: “Lik mpe awoywal Ajwal wach kintz'onoj chik chawe, kwaj yin kaya chik jun ilb'al re chwe chi are iri: Are ksaqirik, i utz'umalil i chij chaqij xwiri i ulew ch'enen rumal uxaq k'aj.”

Jueces 6:39 Referans Kwoze

GÉNESIS 18:32

I mam Abraham k'a xub'ij chik: —Mpe awoywal, Wajwal, xwiri chaya ni chwe, chi kinch'aw julaj chik awu'. We xa je lajuj keriqtaj chila chi je utz, wach nawi ka'ano. I Ajwal xub'ij: —Rumal k'axnab'al ke i lajuj le kinchup ti uwach i tinimit le.

ISAÍAS 50:2

¿B'uchak are xink'unik lik mijun xinriqo? ¿B'uchak chi are xixinsik'ij mijun xula' uwach chwe? ¿Xatab'a xich'ob' yix chi yin kintiki ti chiwelsaxik pki'ab'? ¿Xatab'a xich'ob' yix chi yin kintiki ti chikirik? Xa ru' jun taqanik we yin kchaqij i mar xaq i raqana keyiji ni che jun tz'inilik jyub' chaqij; man keje ile i kar kekam ni rumal i k'atik xaq kechuyir ni rumal nti i ya.

Mateo 21:43

Rumali, kinb'ij chiwe chi Dios kresaj ni uchak pi'ab' yix xaq kuya ni pki'ab' jub'an chik ajchakib' je utz, chi kkiya ni i molonik che i Dios pacha kmajawik.

Hechos 13:46

Are uri ma Pablo xaq i ma Bernabé, lik ru' ukowil kik'ux xkila' uwach chke: —Lik o chqaqul ub'ixkil utzij i Dios chiwe yix nab'e chi ix aj Judío; xwiri, yix kich'ob'o chi lik kmajaw ti chiwe kya' ik'aslemal chi nti uk'isik, rumali wo'or koj-e chub'ixkil chke i jub'an chi ne te aj Judío.

Mateo 8:12

Xwiri, ni'pa i ke'ok te pa ajawinik re i Dios, xa keya' ni pa equmal; chila ke'o' wi, lik kkiqach'ach'ej ni kiware rumal uk'axk'ol, keje ile —xub'ij i Jesús chke i winaq.

Hechos 28:28

Chiwetamaj uri yix iri, su' wo'or kjeqan usujuxik i elb'al chisaq chke i ne te aj Judío chi kusujuj i Dios, man ike lik kkikoj ni retalil —xcha i ma Pablo chke.

Hechos 22:21

Xwiri i Ajwal xub'ij chwe: Chamaja b'i ab'e, man yin katintaq b'i pa nimaq taq tinimit k'a naj. Keje ile xub'ij i Ajwal chwe; xcha i ma Pablo chke i winaq.

Jueces 6:38

Lik keje ile xuk'ulmaj, man are xwalij b'i ma Gedeón xuyitz' utz'umalil i chij chi nimaq rismal, are uri xnoj jun yab'al che uxaq k'aj.

Jueces 6:40

Che i a'ab' le, i Dios lik keje ile xu'ano. Are xsaqirik i utz'umalil i chij chi lik nimaq rismal, lik chaqij xwiri ronojel uwach ulew lik ch'enen rumal uxaq k'aj.

GÉNESIS 18:30

I mam Abraham xub'ij chik: —Mpe awoywal chwe, Wajwal, xaq mina'atij che i lapanik awu'. We xa lajuj juwinaq (30) keriqtaj chila chi je utz. I Ajwal xub'ij: —Kinchup ti uwach i tinimit le, we keinriq lajuj juwinaq (30) utz laj taq winaq chila —xcha.