Jueces 6:38 - Wuj Pa K'ubultzij

³⁸ Lik keje ile xuk'ulmaj, man are xwalij b'i ma Gedeón xuyitz' utz'umalil i chij chi nimaq rismal, are uri xnoj jun yab'al che uxaq k'aj.

Jueces 6:38 Referans Kwoze

ISAÍAS 35:7

I tz'inilik jyub' chaqij kyiji ni che i semelik ya, i chaqij ulew lik k'i ni ralaxb'al ya kepe chupam. Ipa je jeqel wi tz'i aj pa taq es wo'or, kek'iy na li ajij xaq i raxk'am.

LEVÍTICO 1:15

I ajsujul sipon kusujuj ni tz'ikin le puwi i sujb'al sipon, te'uri kresaj ni ujolom i tz'ikin xaq kuporoj puwi i sujb'al sipon, xaq kuya che i kik' chi klejej b'i puxukut i sujb'al sipon.

Jueces 6:37

kinya uri jun utz'umalil chij nimaq rismal chila ipa kjos-ix wi uwach i trigo. Are ksaqirik we ch'enen utz'umalil i chij le rumal uxaq k'aj, xwiri i ulew we lik chaqij, kwetamaj uri chi lik qatzij kaya chinqul kito'ik aj Israel pacha xab'ij.”

Jueces 6:39

Xwiri ma Gedeón xub'ij chik: “Lik mpe awoywal Ajwal wach kintz'onoj chik chawe, kwaj yin kaya chik jun ilb'al re chwe chi are iri: Are ksaqirik, i utz'umalil i chij chaqij xwiri i ulew ch'enen rumal uxaq k'aj.”