Jueces 6:30 - Wuj Pa K'ubultzij

³⁰ te'uri xe'e chub'ixkil che ma Joás: —¡Chawesaj li awak'al man kqakamsaj, man ire xuwulijsaj li sujb'al sipon re kojb'al u'ij Baal xaq xuk'aq li che' pulew chi o u'ij chi o putzal i sujb'al sipon le!

Jueces 6:30 Referans Kwoze

Filipenses 3:6

Lik xinya inwach ku' ike chi kki'an k'ax chke i jutzob'aj re i Cristo. We kqa'an utz che qib' xa rumal i qakojonik che i ujer atb'al tzij, yin lik in utz uri, man lik xinkojon che ile. Lik mijun inmak xriqtaj chupam ile.

Hechos 26:9

Yin ujer xinch'ob'o chi lik rajwaxik kin-an ch'oj chrij i k'utunik re i Jesús aj Nazaret,

Juan 16:2

man kixelsax nu b'i pa taq ja re molb'al ib' ke i judío. Xwi ti la ile, kuk'ulmaj na chi xapachin kixkamsawik kuch'ob' na chi ru' i ku'ano le, ku'an jun upatan chwach i Dios.

JEREMÍAS 50:38

¡I ch'oj chkij raqana: Chechaqijoq! Man i tinimit Babilonia lik are jun tinimit chi k'i utiox je olik chi xaril je antalik, i rumal ile xsach uno'oj.

JEREMÍAS 26:11

Are uri i ajsujul sipon, xaq i profeta, xkib'ij chke i aj-atzil xaq chke konojel i winaq: “I achi le rajwaxik kkamsaxik, man xub'ij chi kk'oqox i tinimiti, yix lik ru' ixikin xita.”

Jueces 6:29

Are uri xkitz'onoj chkiwach ¿Pachin nawi x-anaw ile? Chrijil chik utzukuxik xaq utz'onoxik pachin x-anawik, are uri xketamaj chi are ma Gedeón, chi uk'ojol ma Joás, x-anawik,

Jueces 6:31

Xwiri ma Joás xub'ij chke konojel i winaq chi kisutim rij: —¿Kito b'a yixi i Baal le, ki'an b'a taqi ch'oj tob'al re? ¡Chuxe'el usaqirik su' chekam ni konojel ni'pa i kkaj kkito i Baal! We lik Dios i Baal le chuto ni rib' uri utukel, man i sujb'al sipon chi xwulijsaxik re ire.