Jueces 5:30 - Wuj Pa K'ubultzij

³⁰ “Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”

Jueces 5:30 Referans Kwoze

ÉXODO 15:9

I ajch'oj xub'ij: Kinterej b'i chkij k'a keinriqa na. Lik kinkikot na xaq kinjach ni ronojel i xinmaj chke man lik kwesaj woywal chke, ru' i ch'ich' chi k'ulala o uware keinkamsaj ni konojel; xcha.

Salmos 45:14

Lik wiqom ru' chomiq taq k'ul, kk'am b'i chwach i ajawinel, je teren b'i i altom chrij chi keyaw u'ij, i ni'pa i rachi'il keuk'am nu b'i chawe.

Job 20:5

I ukikotemal i utz ti laj winaq lik knajtin taj, lik juntir kk'isik.

2 Samuel 13:18

I taqon le lik xu'ano pacha xb'ix che, xresaj b'i ixoq xaq lik utz utz'apixik uchija xu'an che. Are uri al Tamar le chi ukojom jun chom laj u'u' lik pacha kkikoj kimi'al i ajawinelab' chi k'amaja kek'uli'ik,

GÉNESIS 37:3

I mam Israel lik k'ax kuna a José chkiwach i jub'an chik rak'al, man lik rij chik are xuk'uwalij uk'ojol le; rumali xutaq u'anik jun u'u' naj raqan xaq lik k'i utzunb'al.

Jueces 5:19

Are uri i ajawinelab' xeupon chu'anik ch'oj che i k'ijib'al chi Taanac ub'i, chi o chila chutzal i raqana Meguido, xaq xeupon i ajawinelab' aj Canaán chu'anik ch'oj, xwiri xetiki tu b'i chuk'amik i b'eyomal xaq i saq-o'oj.

Jueces 5:29

Are uri ixoqib' chi lik o kino'oj xkila' uwach che, Xwiri uchuch ma Sísara xukamulij xuroxmulij ub'ixkil utzij:

Salmos 68:12

“Ktijin ki'anmajik i ajawinelab' xaq kiwinaq chi je yij che i ch'oj”, ru' taq ja, i ixoqib' kkijach i jalajuj taq b'iroxik chkiwach chi majtal chke i ajch'oj chkij.

Proverbios 16:19

Mas utz we ka'an ajaj che awib' ku' i nib'a'ib'; chwach ka'an b'eyom che awib' ku' i kki'an nim che kib'.

ÉXODO 27:16

I okb'al re uwaja kakoj jun kortin che, jo'ob' xik'ab' raqan, rajwaxik chi xar, kaq, kaqkoj xaq i chom laj lino koksax che; i kortin le kt'is rumal jun chi lik uchak ile man lik utz u'anik ku'an che. Kakoj kajib' aqan che, xaq kakoj kajib' che ukub'ib'al.

ISAÍAS 9:2

I tinimit chi o te'eq pa tz'intz'ik equm xril jun nim laj saq, jun nim laj saq chi lik xwalch'inik ke i jub'an chi je jeqel te pa equm,