Jueces 4:9 - Wuj Pa K'ubultzij

⁹ Ati Débora xub'ij che: —Kin-e awu' xwiri ronojel ni'pa i ch'akanik le koksax ti a'ij yet ru', man i Ajwal kujach ma Sísara pu'ab' jun ixoq. Are uri ati Débora x-e ru' ma Barac k'a pa Cedes.

Jueces 4:9 Referans Kwoze

1 Samuel 2:30

Rumali, i Ajwal chi ki-Dios aj Israel, chi ub'im te'eq, yet xaq i awalk'uwal arewi te'eq kikoj u'ij i Ajwal, wo'or kusaqij: “Lik kinya ti chke chi arewi keje ile kki'ano. Man kinya ni ki'ij konojel ni'pa kkiya in-ij, xaq konojel ni'pa kkiqajsaj in-ij keinya ni pa k'ixb'alil. Yin in Ajwal xinb'ij ile.

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

SEGUNDO LIBRO DE CR%D3NICAS 26:18

are uri lik ko uchapik i ajawinel xki'ano, xkib'ij che: “Ajawinel ma Uzías, chaqul ti yet o wi uporoxik pom chwach i Ajwal, man ire je u'ulum jub'an i ajsujul sipon chwach Ire, chi je are umuq uxikin ma Aarón, chkiqul ike o wi u'anik ile. Chat-el b'ik man i kattijin chu'anik le lik jun nim laj makunik chwach i Ajwal, i Dios kukoj ti a'ij ru' ile.”

Jueces 9:54

Are uri ma Abimelec juntir xsik'in pan che i tol re, xub'ij che: Chawesaj li ach'ich' su' chinakamsaj, man kwaj taj chi kb'ixik jun ixoq xinkamsawik. Are uri i ajtol re xumin b'i uch'ich' che upam, xel k'a chel rij, keje ukamik ile.

Jueces 4:8

Xwiri i ma Barac xub'ij: —Yin kin-ek we kat-e yet wu', xwiri we kat-e taj, kin-e ti uri.

Jueces 9:53

are uri jun ixoq xuk'aq li jun ab'aj ka' chi re jok'b'al trigo puwi ma Abimelec, lik xupaxij b'i ujolom che.