Jueces 4:4 - Wuj Pa K'ubultzij

⁴ Che taq i ij le aj Israel x-at tzij pkiwi rumal ati Débora chi profeta, chi rixoqil ma Lapidot.

Jueces 4:4 Referans Kwoze

Lucas 2:36

Xaq o jun ixoq chila, tit Ana ub'i chi profeta. Ire umi'al i ma Fanuel chi ulemajil kan mam Aser. I tit Ana le lik rij chik. Are k'a ali xk'uli'ik xa wuqub' junab' xkuk'aj kib' ru' i rachijil.

2 Reyes 22:14

Are uri ma Hilcías, ma Ahicam, ma Acbor, ma Safán xaq ma Asaías, xe'e chrilik ati Hulda, chi ati profeta, chi rixoqil ma Salum, chi uk'ojol ma Ticva, chi ri umam ma Harhas, chi o chuqul uk'olik i k'ul chi o chila prachoch i Dios. Ati Hulda jeqel chila che Ukab' Uxol b'e re i tinimit Jerusalén, are xkitz'onoj che,

ÉXODO 15:20

Are uri ati Mariy chi profeta, chi ranab' ma Aarón, xuk'am jun chilchil xok chuchilchaxik, xaq konojel ixoqib' xe'ok chuchilchaxik i chilchil xaq xexajawik.

Gálatas 3:28

Rumali chwach i Dios, nti chik jun mas naj u'ij chwach jun chik: Nti k-ono we aj Judío winaq, o we aj Grecia winaq, o we jun ajchak chi o pu'ab' jun rajaw; nti k-ono we achi o we ixoq; man qonojel yoj, we oj o chik che i Jesucristo, is oj xaqjun chik uri chqawach.

1 Corintios 11:5

Xwiri we jun ixoq klapan ru' i Dios, o are kusaqij wach u'aljinsam i Dios che, ire we uch'uqum ti ujolom, k'ixb'al uri kel ile che ire. Xaqjun ke'eloq pacha taq resam b'i uwi ronojel.

Hechos 21:9

I ma Felipe je o kajib' umi'al chi nti kachijil, ike le je profeta.

Miqueas 6:4

Yin xatwesaj li pa Egipto, xatinto pu'ab' i tinimit le chi at uya'om te'eq pa k'ax; Yin xintaq b'i a Moisés, Aarón xaq i al Mariy re katkesaj li chila.

NEHEMÍAS 6:14

¡Wajwal Dios: Chk'un chak'ux wach u'anom ma Sanbalat xaq ma Tobías! ¡Xaq keje ile x-on ati Noadías chi ati profeta xaq jub'an chik profeta chi xkaj inxib'ixik!

Jueces 4:3

I ma Jabín le o jo'winaq kamo' (900) ch'ich' re b'inb'al ru', ire le juwinaq junab' je uya'om chik i aj Israel pa k'ax, lik keje ile k'a xkitz'onoj ni kitob'al che i Ajwal.

Jueces 4:5

I ati Débora le arewi kkub'i chuxe' jun palma chi etamam uwach ru' i b'iyaji: “Palma re ati Débora” chi o chila prulew ma Efraín chuxol keb' tinimit, Ramá xaq i Betel; i aj Israel le chila keupon wi ru' chuyijb'axik kich'oj.

Ezequiel 13:17

Wo'or, winaq, jat ku' ixoqib' re atinimit chi kelapan pinb'i Yin xwiri xa kinojb'al ike kkikojo,

Jueces 5:1

Che taq i ij le ati Débora xaq ma Barac, chi uk'ojol ma Abinoam, keje iri xkib'ixaj: