Jueces 4:19 - Wuj Pa K'ubultzij

¹⁹ Are uri ma Sísara le xutz'onoj jub'i' uya' che ati Jael man lik kk'atik, rumali ati Jael xujaq uchi' i tz'um chi o leche chupam, te'uri xuya che ma Sísara, are xtu'taj uleche xruwaj chik chuxe' i k'ul.

Jueces 4:19 Referans Kwoze

Juan 4:7

Are uri xupon pan jun ixoq aj Samaria chuk'amik uya' chi k'otom. I Jesús are xrilo, xub'ij che: —Ixoq, chaya jub'i' inya' —xcha.

ISAÍAS 41:17

I winaq je nib'a' chi xaq nti o ku' kkitzukuj i ya xwiri kkiriq taj. Lik chaqij chik utzam ka' rumal i k'atik, xwiri Yin, chi in Ajwal, keinto na, Yin, chi in ki-Dios aj Israel, kewo'taj taj.

1 Reyes 17:10

Are uri ma Elías x-e chila pa tinimit Sarepta. Are xupon pa okb'al che i tinimit le, xril pan jun ati malkan chi ktijin chutzukuxik usi'. Are uri xusik'ij, xaq xub'ij che: —Cha'ana jun utzil chwe, chaya jun k'ox inya' re kintu'u.

GÉNESIS 24:43

Wo'or in o waral chi k'otom, chroy-exik jun ali chi kk'un chuk'amik uya', yin are kinb'ij ni che: Cha'ana utzil chwe, chaya jub'i' inya' chi o chupam akukub' re kintu'u,

Jueces 4:18

Ati Jael are xrilo chi xupon ma Sísara, x-e la chuk'ulaxik, xub'ij che: —Chatok li warali nim laj winaq, lik maxij awib' chatok loq; are uri ma Sísara xok b'i chi rachoch ati Jael, i ati Jael le xruwaj chuxe' jun k'ul.

Jueces 4:20

I ma Sísara xub'ij che ati Jael: —Chat-ol xolchija re i mujb'al, we o jun kk'unik i kutz'onoj taq chawe we o jun winaq pa ja, kab'ij che chi ntaj.

Jueces 5:24

¡Chkixol konojel ixoqib' lik ch-ol ni utzil chomal puwi ati Jael, chi rixoqil ma Heber chi aj Ceneo. ¡Lik ch-ol ni utzil chomal puwi ati Jael chkiwach konojel ixoqib' chi je o chila pa mujb'al!