Jueces 3:8 - Wuj Pa K'ubultzij

⁸ Rumali i Ajwal xpe roywal chke aj Israel xaq xeujach pu'ab' ma Cusan-risataim, chi ajawinel re i tinimit Mesopotamia. Wajxaqib' junab' xechakun aj Israel chrij i ajawinel le.

Jueces 3:8 Referans Kwoze

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

Habacuc 3:7

Yin je wilom i winaq re Cusán lik je sachnaq chupam uyej, i winaq re i Madián kuwam kib' rumal kixib'rikil.

Jueces 4:9

Ati Débora xub'ij che: —Kin-e awu' xwiri ronojel ni'pa i ch'akanik le koksax ti a'ij yet ru', man i Ajwal kujach ma Sísara pu'ab' jun ixoq. Are uri ati Débora x-e ru' ma Barac k'a pa Cedes.

Romanos 7:14

Qeta'am chi i atb'al tzij le petnaq ru' i Dios anb'al re i utz pqak'aslemal. Xwiri yin xa in winaq, xa o urayijb'al inch'akul, lik in o pu'ab' i mak atzalal.

ISAÍAS 50:1

I Ajwal kub'ij: “¡Mich'ob' taq yix chi xinxutuj i tinimit Israel, chi ichuch yix, pacha jun achi chi kuxutuj i rixoqil, xaq we xixink'ayij taq yix pacha ix winaq chi ix o pa k'ax man rumal o taq ink'as ru' jun! Yix xixk'ayixik man rumal xixmakunik, i tinimit Israel chi ichuch yix, xxutuxik man yix lik xi'an qelqel che iwib'.

Salmos 85:3

xa'atij ronojel awoywal, xaq lik xik'aw i awoywal le.

Salmos 6:1

Ajwal, minayajo are mi'naq awoywal, xaq maya utojb'alil chwe are petnaq awoywal,

1 Samuel 12:9

Xwiri ike xsach i Kajwal Dios chkik'ux, rumali i Ajwal le xeujach pu'ab' ma Sísara, chi kaj-atzil i achiyab' chi je yij che i ch'oj re ma Jabín, chi ajawinel pa tinimit Hazor, xaq xeujach pki'ab' aj Filistea xaq pu'ab' i ajawinel aj Moab. Je are ike le xki'an ch'oj chkij aj Israel.

Jueces 2:20

Rumali i Ajwal lik xpe roywal chke aj Israel xaq xub'ij: “I jub'an winaq le kkiqel i trat chi xin-an Yin ku' i katit kimam xaq lik kkaj ti kekojon chwe.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

Deuteronomio 29:20

I Ajwal kukuy ti umak, xane kresaj roywal che i achi le xaq ktzaq ni ronojel k'oqb'al puwi chi b'ital chupam i wuji, xaq kuchup ni kiwach umuq uxikin chwach ulew.

ÉXODO 22:24

xaq lik kpe uri woywal chiwe xaq kixinkamsaj ni uri ru' ch'ich'; i iwixoqil kekanaj na je malkan xaq iwak'al kekanaj na chi nti chik kiqajaw.

Jueces 3:7

Ronojel ni'pa xki'an aj Israel lik xumaj ti uwach i Ajwal, man xko'taj kan ukojik u'ij ire, xa xkijeq ukojik u'ij i jalajuj taq uk'exwach i tiox Baal xaq i ati tiox Asera

Jueces 3:9

Aj Israel lik k'a xkitz'onoj ni utzil che i Ajwal; rumali i Ajwal xu'ul jun winaq chi keuto. I tol ke le are ma Otoniel, chi uk'ojol ma Cenaz, chi ucha' ma Caleb.

Jueces 3:10

I Utewal i Ajwal xpe puwi ma Otoniel, are uri ire xnab'ej b'i chkiwach konojel i winaq aj Israel chu'anik ch'oj, xaq i Ajwal xu'ano chi xkiqajsaj u'ij i ajawinel ma Cusan-risataim, chi are ajawinel re i tinimit Siria.

Salmos 44:12

Lik paqal ti xak'ayij wi atinimit, xwiri lik nti xach'ak che chi xak'ayij b'ik.

Salmos 129:1

Lik k'i i k'ax in ik'awnaq chupam are k'a in ak'al winaq, —je are aj Israel chkib'ij wo'or—.

GÉNESIS 24:10

I mokom xuk'am lajuj chke ukamey i rajaw uchak, xaq xu'ul b'i jalajuj chomiq taq sipon; te'uri xumaj b'i ub'e x-e pa tinimit Nacor, chila pa Mesopotamia.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

Salmos 106:41

Rumali xeujach pki'ab' i winaq chi kkikoj ti i Dios, xaq i je ajch'oj chkij xek'iji pkiwi;