Jueces 3:31 - Wuj Pa K'ubultzij

³¹ Chrijil chik ma Aod le are ma Samgar chi uk'ojol ma Anat xok'aw utzam chke aj Israel; i ma Samgar le xeukamsaj lajujwinaq jumo' (600) achiyab' aj Filistea ru' jun che' chi o ch'ich' chutzam re ch'ayb'al i b'oyex. Keje kito'ik aj Israel ile xu'ano.

Jueces 3:31 Referans Kwoze

Jueces 5:6

Che i ij re ma Samgar, chi uk'ojol ma Anat, xaq che i ij re ati Jael i je ajb'inel xko'taj kan i b'e, xkimaj b'i jub'an chik b'e chi k'ax b'inik che.

1 Corintios 1:17

Man i Cristo xinutaq ti yin chuqajsaxik ya pkiwi i winaq. Inchak yin are ajb'il re i utz laj tzij k'ak' re i Dios, yin xinutaq ti chub'ixkil chomiq taq tzij, man keje ile kinqajsaj ti u'ij i Cristo chi xkikamsaj chwach i krus.

1 Samuel 17:50

Keje uch'akik ma Goliat ile xu'an a David, xa ru' jun k'aqb'al ab'aj xaq ru' jun ral ab'aj xukamsaj. I a David le nti uch'ich' uk'amom b'ik chi o uware k'ulala,

1 Samuel 17:47

Konojel ni'pa kimolom kib' warali, kketamaj na chi i Ajwal kojuto ti ru' jabalina, ru' ti che' ch'ich' utzam xaq ru' ti ch'ich' chi o uware k'ulala. I ch'oji re i Ajwal, are ire kixjachaw ni pqa'ab'.

Jueces 15:15

Chrijil chik ile, i a Sansón xuk'am pan jun ukakate' axna chila chi k'amaja kchaqijik, ru' ile xeukamsaj lajujwinaq kamo' (1,000) aj Filistea.

Jueces 5:8

Je o jujun chi xkitzukuj chik ki-dios k'ak', tz'aqat are ktijin i ch'oj pa taq okb'al re i tinimit xwiri lik mijun che' ch'ich' utzam xaq mijun ch'ab' x-iltaj chkixol i jo'chiy (40,000) aj Israel.

Jueces 2:16

xwiri i Ajwal xeu'ul winaq ajk'amol b'e chi kekito ike chkiwach i xe'el-aw b'i ub'itaq ke.

1 Samuel 4:1

A Samuel kub'ij chke aj Israel ronojel ni'pa kb'ix che rumal i Dios. Che taq i ij le xkimol kib' aj Filistea chu'anik ch'oj chkij aj Israel, rumali aj Israel xkitak'b'a kib' chu'anik ch'oj chkiwach aj Filistea xek'iji chila pa Eben-ezer xaq aj Filistea xek'iji chila pa Afec.

Jueces 10:17

I aj Amón xkimol kib' i xe'uxlan chila Galaad xaq aj Israel xkimol kib' i xe'uxlan chila Mizpa.

Jueces 10:7

Rumali i Ajwal lik xpe jun nim laj roywal chke, i xeujach pki'ab' aj Filistea xaq pki'ab' aj Amón.

Jueces 4:1

Chrijil chik ukamik ma Aod, i aj Israel xemakun chik chwach i Ajwal.

Jueces 3:30

Keje uri ile chi aj Israel xekikamsaj konojel aj Moab. Chrijil chik ile xuch'ij kajwinaq (80) junab' i chomb'al ib' chwach ulew.

1 Samuel 12:9

Xwiri ike xsach i Kajwal Dios chkik'ux, rumali i Ajwal le xeujach pu'ab' ma Sísara, chi kaj-atzil i achiyab' chi je yij che i ch'oj re ma Jabín, chi ajawinel pa tinimit Hazor, xaq xeujach pki'ab' aj Filistea xaq pu'ab' i ajawinel aj Moab. Je are ike le xki'an ch'oj chkij aj Israel.

Jueces 10:11

I Ajwal xub'ij chke: “Yix xitij i k'ax pki'ab' aj Egipto, pki'ab' aj Hamor, pki'ab' aj Amón, xaq aj Filistea,