Jueces 3:28 - Wuj Pa K'ubultzij

²⁸ Ma Aod xub'ij chke chi cheterej b'i chrij man i Ajwal kuya ni ch'akanik chke pkiwi konojel ajch'oj chkij chi aj Moab. Are uri xeterej b'i chrij ma Aod, xkitzukuj ni'pa axb'al chi o chi taq ya Jordán, xkichajij, rumali mijun winaq xkiya che chi xik'awik.

Jueces 3:28 Referans Kwoze

Jueces 12:5

Are uri i winaq chi aj Galaad xkimaj kan i axb'al re i raqana Jordán chke utzob'ajil ma Efraín. Are kupon jun chke utzob'ajil ma Efraín chi anmajnaq b'ik, kub'ij chke chi ku'axuj i raqana Jordán, are uri aj Galaad kkitz'onoj che we ukwenta utzob'ajil ma Efraín. I achi le we kub'ij chi utzob'ajil taj,

Jueces 7:15

I ma Gedeón are xuta i achik' le chi klapik xaq wach taq usuk' ke'eloq, xukoj u'ij i Ajwal. Chrijil chik ile xtzalij li ipa je o wi aj Israel, xub'ij chke: —¡Chixwalijoq man i Ajwal keujach aj Madián pqa'ab'!

Jueces 7:9

Che a'ab' le i Ajwal xub'ij che ma Gedeón: “Chatwalijoq man katqaj b'i chu'anik ch'oj ku' aj Madián, man keinjach pa'ab'.

JOSUÉ 2:7

I achiyab' le chi je re i ajawinel xeterej b'i chkitzukuxik i je ajtaqenel; i b'e chi xkimaj b'ik are i b'e chi k-e chi raqana Jordán, chila ipa o wi i axb'al; are xe'el b'i achiyab' le, xtz'apix kan uchija re i elb'al che i tinimit.

1 Samuel 17:47

Konojel ni'pa kimolom kib' warali, kketamaj na chi i Ajwal kojuto ti ru' jabalina, ru' ti che' ch'ich' utzam xaq ru' ti ch'ich' chi o uware k'ulala. I ch'oji re i Ajwal, are ire kixjachaw ni pqa'ab'.

Jueces 7:24

Ma Gedeón xeutaq b'i ajb'il tzij chwi taq jyub' ipa je o wi utzob'ajil ma Efraín, chub'ixkil i tziji: Chi chepet chu'anik ch'oj ku' aj Madián xaq che'oj pa taq ik'awb'al chi taq ya pa Bet-bara xaq pa Jordán, chuxe'el kuponik ike. I je utzob'ajil ma Efraín xki'ano chrij pacha xb'ix chke.

Jueces 7:17

Are uri ma Gedeón xub'ij chke: —Are kinupon pkitzal ajch'oj chqij, chikojo retalil wach kin-ano xaq keje ile chi'ana yix.

Jueces 4:10

Chila pa Cedes le, ma Barac xeusik'ij utzob'ajil ma Zabulón xaq utzob'ajil ma Neftalí, xumol kichi' jo'mo' juchiy (10,000) achiyab' chi je yij che i ch'oj, xaq x-e ati Débora ku'.

Jueces 3:29

Che i ij le kolo jo'mo' juchiy (10,000) aj Moab xekikamsaj, konojel ni'pa i xekamik le, lik je yij che i ch'oj, lik ko kiwach xaq lik o kicho'ab'. Mijun x-anmajik, konojel xekamik.

Jueces 7:14

Are uri i rachi'il xub'ij che: —Ile to' ti jun b'iroxik lik are uch'ich' ma Gedeón, chi uk'ojol ma Joás, chi aj Israel. I Dios keujach aj Madián xaq konojel uwinaq chi je yij che i ch'oj pu'ab' ma Gedeón.

Jueces 10:11

I Ajwal xub'ij chke: “Yix xitij i k'ax pki'ab' aj Egipto, pki'ab' aj Hamor, pki'ab' aj Amón, xaq aj Filistea,

1 Reyes 20:21

Are uri i ajawinel ke aj Israel xterejik i xeumaja pa taq b'e, are uri xumaj i kikaway chke xaq kich'ich' re anb'al ch'oj, xaq xeukamsaj k'i chke aj Siria.