Jueces 3:27 - Wuj Pa K'ubultzij

²⁷ Are xupon chila pkulew aj Israel, xuxut'ij i trompeta puwi i jyub' re ma Efraín sik'b'al ke konojel i winaq. Are uri xeqaj li konojel aj Israel chi je o chwi taq jyub', nab'e ma Aod chkiwach.

Jueces 3:27 Referans Kwoze

1 Samuel 13:3

Ma Jonatán xuwulijsaj i k'ijib'al ipa je o wi i achiyab' chi je yij che i ch'oj chi ke aj Filistea chi o te chila pa Gabaa; ile xketamaj aj Filistea. Are uri ma Saúl xutaq uxut'ixik i trompet pa ronojel jalajuj taq tinimit ke aj Hebreo yab'al utzijol chke.

Jueces 6:34

Xwiri utewal i Ajwal xrajawin puwi ma Gedeón, are uri ire le xuxut'ij jun rok'a' chij sik'b'al ke i ralk'uwal ma Abiezer,

2 Reyes 9:13

Keje uri ile chi chkijujunal, juntir xkesaj ki'u' jurjik, xkilik' chwach ire puwi i cholchol. Chrijil chik ile xkixut'ij i rok'a' i chij ma xaq xesik'in konojel: “¡Ma Jehú are i ajawinel!”

2 Samuel 20:22

Are uri lik juntir x-e la ixoq le ru' usaqlejal chuyu'uxik kixikin konojel i winaq re i tinimit, rumali xkik'atzij li ujolom ma Seba, te'uri xkik'aq li che ma Joab puwi i tapial chi nim uwach. Are uri i ma Joab xutaq uxut'ixik i trompeta, rumali xkiya kan i tinimit, i chkijujunal xe'e chi kachoch. Tz'aqat i ma Joab le, xtzalij b'i ru' i ajawinel chila pa Jerusalén.

Jueces 19:1

Che taq ij le are k'amaja jun ajawinel pkiwi aj Israel, o jun achi aj Leví chi jeqel naj che i jyub' ke utzob'ajil ma Efraín. Ire le xuk'am jun ixoq re qas ti mer rixoqil chi aj Belén re i tinimit Judá.

Jueces 17:1

O jun achi ma Micaía ub'i, jeqel chwi taq jyub' ke utzob'ajil ma Efraín.

Jueces 7:24

Ma Gedeón xeutaq b'i ajb'il tzij chwi taq jyub' ipa je o wi utzob'ajil ma Efraín, chub'ixkil i tziji: Chi chepet chu'anik ch'oj ku' aj Madián xaq che'oj pa taq ik'awb'al chi taq ya pa Bet-bara xaq pa Jordán, chuxe'el kuponik ike. I je utzob'ajil ma Efraín xki'ano chrij pacha xb'ix chke.

Jueces 5:14

O jujun achiyab' re utzob'ajil ma Efraín xeqaj li chwa ta'aj, chkij ike le xeterej li achiyab' re utzob'ajil ma Benjamín, chi lik je k'iyal taq tzob'ajil je yij che i ch'oj. I je re utzob'ajil ma Maquir xeqaj li kaj-atzil, xaq keje utzob'ajil ma Zabulón xeqaj li aj-ok'al utzam chke.

JOSUÉ 17:18

lik iwe yix ni ronojel i nimaq che', chipukaj uwach xaq chix-ol chwach ronojel, tupu i je aj Canaán o kich'ich' re ch'oj xaq we lik o kicho'ab', yix lik keiwesaj nu b'ik. Keje ile xub'ij mam Josué chke.

JOSUÉ 17:15

Are uri mam Josué xub'ij chke: —We lik ix k'i, xaq we kiwilo chi kixok ti chik chwach i jyub' re ma Efraín, chixel b'i uri chwi jyub' chi k'achelaj uwach ke aj Ferez, je aj Refa chipukaj uwach re i k'ijib'al.

Jueces 3:26

Tz'aqat ktijin kib'aytajik ike ru' i kamnaq, i ma Aod x-anmajik, xik'aw chila ipa je o wi tiox pa Gilgal, xupon k'a pa Seirat, chila xruwaj wi rib'.

Jueces 10:1

Chrijil chik ukamik ma Abimelec, xwalij jun achi chi re utzob'ajil ma Isacar chi ma Tola ub'i, chi uk'ojol ma Fúa, ri umam ma Dodo, xwalij chuk'amik utzam chke aj Israel. I ma Tola le jeqel te'eq pa Samir, chila chwi taq jyub' re utzob'ajil ma Efraín.

NEHEMÍAS 4:14

Are xwilo chi kkixij kib', xintak'i anoq xaq xinb'ij chke i winaq chi nimaq ki'ij, aj-ok'al utzam i jalajuj taq tinimit xaq chke i winaq re i tinimit chi je o kan chila: “Mixij iwib' chke. Chk'un chik'ux chi Ajwal lik nim ucho'ab' xaq nim u'ij uchomal, chi'ana ikoch' chu'anik ch'oj kumal iwinaq, kumal imi'al, iwalk'uwal, kumal iwixoqil xaq iwachoch.”