Jueces 21:7 - Wuj Pa K'ubultzij

⁷ Xaq xkib'ij: ¿Wach nawi kqa'ano man kqatzukuj kixoqil konojel alab'om chi je k'as kanoq? Man lik qasaqim chwach i Ajwal, chi kqaya ti qami'al chke chi kek'uli ku'.

Jueces 21:7 Referans Kwoze

Jueces 21:1

I achiyab' aj Israel lik xkisaqij chila pa tinimit Mizpa chi mijun chke kimi'al kek'uli ku' alab'om chi ke utzob'ajil ma Benjamín.

1 Samuel 14:45

Xwiri konojel i winaq xkib'ij che ma Saúl: —¡Wach usuk' ile chi kkam ma Jonatán chi xu'an jun nim laj ch'akanik pkib'i aj Israel! ¡Lik muk'ulmaj ile! ¡Rumal k'axnab'al uk'ux i Dios mitene jun wi'ij re ujolom ktzaq taq pulew! Man ni'pa u'anom wo'or, u'anom ru' utob'al i Ajwal. Keje uri ile chi konojel i winaq re i tinimit xkesaj ma Jonatán chupam i kamik.

Jueces 21:18

Xwiri yoj kmajaw ti chqe chi kqaya qami'al chke chi kek'uli ku', man qonojel oj aj Israel qasaqim chi pachin jun kuya umi'al chke utzob'ajil ma Benjamín, lik kk'oqox na.

Jueces 21:6

Konojel aj Israel lik k'ax xuna kik'ux wach xkik'ulmaj i katz kicha' chi utzob'ajil ma Benjamín, xaq xkib'ij: “Che i iji xelsax b'i jun utzob'ajil aj Israel”.

Jueces 21:8

Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

Jueces 21:22

We kiqajaw kichuch xaq katz kicha' kek'un chuch'ojixik chqe, kqab'ij ni uri chke: Chikuyu qamak, man yoj xojtiki ti churiqik jun ixoq chkijujunal alab'om chi xekam ti pa ch'oj ku' aj Jabes. Mixok il che, nti taq jun k'oqonik ktzaq piwi man yix ti xiya iwak'al chke, rumali chi xixmakun taj.”