Jueces 21:19 - Wuj Pa K'ubultzij

¹⁹ Xwiri junab' junab' o jun nima'ij re i Ajwal chila pa Silo, chi o chila pa moxab' che i Betel, chi xaq prelb'al ij che i b'e chi k-e che i tinimit Betel xaq che i tinimit Siquem, xaq pa wiqab' che i tinimit Lebona.”

Jueces 21:19 Referans Kwoze

Juan 7:2

Xwiri ya knaqajab' i nima'ij re i ral taq mujb'al re es chi are jun nima'ij ke aj Judío.

Juan 5:1

Keb' oxib' ij rik'awik ile, are uri xuriq i ij re i kinima'ij i aj Judío, rumali i Jesús x-e chila pa Jerusalén.

Salmos 81:3

Chixut'ij i trompeta are k'ak'al ik', xaq are ktik'i i ik', man are i ij re i nim laj qanima'ij.

1 Samuel 1:3

Junab' junab' i ma Elcana le k-e che jun k'ijib'al chi Silo ub'i, chila kukoj wi u'ij i Ajwal chi ronojel ktiki che xaq kusujuj usipon chwach. Chila pa Silo je o keb' uk'ojol ajsujul sipon chi ma Elí are kib'i iri: A Ofni xaq i a Finees, ike le chekeb' je ajsujul sipon re i Ajwal.

Jueces 18:31

I tiox chi xu'an ma Micaía xkiya aj Dan chila chkixol, chila xk'iji wi che ronojel i ij pa lo'laj k'ijib'al re i Ajwal chi o chila Silo.

JOSUÉ 18:1

Are xkanaj i tinimit pki'ab' i je aj Israel, are uri xkimol kib' konojel i je aj Israel k'a pa Silo, chila ipa o wi i ja re riqb'al ib' ru' i Dios.

Deuteronomio 16:13

Are kutzin i molonik re i trigo xaq uyitz'ik uwa'al i uva, are uri ki'an ni jun nima'ij re mujb'al re es chi wuqub' ij kuch'ijo.

Deuteronomio 16:10

ki'an ni nima'ij re i seman kojb'al u'ij Iwajwal Dios, xaq kijach ni isipon chi kalax pik'ux chrij pacha i utzil chomal chi uya'om i Ajwal chiwe.

Deuteronomio 16:1

Are kuriqa i ik' Abib chi'ana i nima'ij re i Pascua, ile are kojb'al u'ij Iwajwal Dios, man che i jun a'ab' re ik' le are xixresaj li Ajwal pa Egipto.

NÚMEROS 29:12

Che i ij jo'lajuj re uwuq ik' yix ki'an ni jun lo'laj moloj ib'. Che i ij le lik mijun kchakunik; xaq lik wuqub' ij ki'an ni nima'ij re kojb'al in-ij.

NÚMEROS 28:26

Are kuriq i ij chi kimol uwach i nab'e taq tikon, kijeq u'anik i nima'ij re i k'iyal taq seman chrijil chik i nima'ij Pascua. Che i ij le k-ani ni jun lo'laj moloj ib' kojb'al in-ij yin, rumali chi mijun kchakunik,

NÚMEROS 28:16

Che i ij kajlajuj re i nab'e ik' k-ani ni nima'ij re i Pascua re kojb'al re in-ij, chi are i nima'ij Pascua.

NÚMEROS 10:10

Xaq kixut'ij i trompeta are ki'an i nima'ij chi inch'ikom, xaq kixut'ij i trompeta are kiporoj i sipon, xaq are kisujuj i sipon re chomb'al ib' chinwach Yin xaq are muqul ik', man keje ile kixk'un ni chink'ux. Yin in Ajwal xinb'ij ile chiwe.

LEVÍTICO 23:34

Chab'ij i tziji chke aj Israel: Che jo'lajuj ij re uwuq ik', xaq che ronojel i wuqub' ij le k-ani ni nima'ij re i mujb'al re es, re kojb'al u'ij i Ajwal.

LEVÍTICO 23:10

Chab'ij i tziji chke aj Israel: Are ix o chik chila chwach ulew chi kinya Yin chiwe; are ki'an i molonik re i trigo, i nab'e yotaj chi kik'atzij rajwaxik kiya che i ajsujul sipon

LEVÍTICO 23:6

Chukab' ij chi are i jo'lajuj ij re i ik' le, kijeq i nima'ij re i wa re trigo chi nti kunb'al ru' kojb'al re in ij Yin chi in Ajwal. Wuqub' ij ktijaw ni wa re trigo chi nti kunb'al ru'.

LEVÍTICO 23:4

Are jalajuj taq ij iri chi ki'an lo'laj moloj ib' re kojb'al u'ij i Ajwal, i ij le chi rajwaxik kimol iwib', are iri:

LEVÍTICO 23:2

Chab'ij i tziji chke aj Israel: Are jalajuj taq ij iri chi kojb'al u'ij i Ajwal, keasik'ij i winaq re i tinimit che jun lo'laj molb'al ib'.

Jueces 21:20

Are uri i kaj-atzil chke i winaq aj Israel xkitaq ub'ixkil chke utzob'ajil ma Benjamín: “Jix, xaq chiwuwaj iwib' pa taq tikon uva chi o naqaj che i tinimit Silo.