Jueces 21:18 - Wuj Pa K'ubultzij

¹⁸ Xwiri yoj kmajaw ti chqe chi kqaya qami'al chke chi kek'uli ku', man qonojel oj aj Israel qasaqim chi pachin jun kuya umi'al chke utzob'ajil ma Benjamín, lik kk'oqox na.

Jueces 21:18 Referans Kwoze

Jueces 21:1

I achiyab' aj Israel lik xkisaqij chila pa tinimit Mizpa chi mijun chke kimi'al kek'uli ku' alab'om chi ke utzob'ajil ma Benjamín.

Jueces 11:35

I ma Jefté are xrilo chi are umi'al xel loq, are uri xuraqch'ij u'u' rumal ub'is, xub'ij che: —¡Inmi'al, lik nim i k'ax kapetsaj pinwi! Lik yet katyaw i nim laj k'ax pwanima. Man yin in-anom jun sujunik chwach i Ajwal chi lik kin-an na.

Jueces 21:17

Ma Benjamín rajwaxik chi kro'taj ti kan upatan chuxol qatzob'ajil, kumal i jub'an chi je k'as kanoq, man keje ile je tz'aqat kitzob'ajil aj Israel.

Jueces 21:22

We kiqajaw kichuch xaq katz kicha' kek'un chuch'ojixik chqe, kqab'ij ni uri chke: Chikuyu qamak, man yoj xojtiki ti churiqik jun ixoq chkijujunal alab'om chi xekam ti pa ch'oj ku' aj Jabes. Mixok il che, nti taq jun k'oqonik ktzaq piwi man yix ti xiya iwak'al chke, rumali chi xixmakun taj.”