Jueces 21:14 - Wuj Pa K'ubultzij

¹⁴ Are xetzalij li utzob'ajil ma Benjamín, are uri i aj Israel xkiya i altom chke chi xkik'am li pa tinimit Jabes Galaad. Xwiri lik je k'i i alab'om chkiwach i ixoqib'.

Jueces 21:14 Referans Kwoze

1 Corintios 7:2

Xwiri je k'i i winaq kkimin chik kib' ru' jun chik chi je k'ulinaq ti ru', rumali mas utz we i achiyab' chkijujunal o kixoqil; xaq i ixoqib' chkijujunal o kachijil.

Jueces 21:12

Chila pa tinimit Jabes xkiriq jumo' (400) apojib' chi nti achiyab' kiminom kib' ku', xkik'am b'i pa tinimit Silo chi o chila Canaán, chi xaq chila kimolom wi kib' aj Israel.

Jueces 20:47

Xwiri lajujwinaq jumo' (600) achiyab' chi je yij che i ch'oj, xe'e chruwaxik kib' pa tz'inilik jyub' chaqij, xekanaj kan kajib' ik' chila ipa o wi i nim laj ab'aj Rimón.

Jueces 21:8

Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

Jueces 21:13

Are uri i aj Israel xkitaq utzukuxik utzob'ajil ma Benjamín chi je o chila pa nim laj ab'aj Rimón xaq xkib'ij chke chi kkitzukuj i chomb'al ib' chkiwach.

Jueces 21:15

Konojel aj Israel lik k'ax xuna kik'ux wach xkik'ulmaj i katz kicha', chi utzob'ajil ma Benjamín, man i Ajwal xresaj jun tzob'aj chke aj Israel.

Jueces 21:22

We kiqajaw kichuch xaq katz kicha' kek'un chuch'ojixik chqe, kqab'ij ni uri chke: Chikuyu qamak, man yoj xojtiki ti churiqik jun ixoq chkijujunal alab'om chi xekam ti pa ch'oj ku' aj Jabes. Mixok il che, nti taq jun k'oqonik ktzaq piwi man yix ti xiya iwak'al chke, rumali chi xixmakun taj.”